Sport

⚽ Inzaghi? Jo, një tjetër legjendë e Milanit emërohet selektor i Shqipërisë? (FOTO)

Autori: Gazeta inFokus 12:05 | 28 June 2017
Edhe një emër i njohur si kandidat për selektor të Kombëtares shqiptare.
Presidenti i FSHF-së, Armand Duka, ka prioritet që të afrojë një emër të njohur për stolin e Kombëtares shqiptare.

Edhe pse Gianni de Biasi bëri të ditur pak ditë më parë se tre alternativat kryesore për vendin e lënë bosh nga ai ishin italianë, numri 1 i futbollit shqiptar tërhiqet nga ideja për të afruar emra të famshëm për publikun shqiptar, ndaj po shqyrton të gjitha kandidaturat mes atyre që janë të papunë.

Së fundmi ka dalë në skenë edhe emri i Clarence Seedorf. Ish-mesfushori holandez nuk ka një karrierë shumë të suksesshme si trajner, por Duka mendon se ai mund të jetë emri i duhur falë eksperiencës së tij të gjerë si futbollist me disa prej klubeve më të mëdha të futbollit europian.

Ndaj po kërkohet një kontakt me holandezin, për të organizuar një takim mes palëve. Duhet theksuar se Sedorf ka kërkesa shumë të larta ekonomike, që FSHF vështirë se mund t’i përballojë.

-Advertisement-

Megjithatë, Duka kërkon që si për çdo kandidat tjetër, të ketë mundësinë të kontaktojë personalisht për çdo detaj rreth një bashkëpunimi të mundshëm.

Subscribe në YouTube: GAZETA INFOKUSI
Etiketa:
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

sport