Lajme

​Sot shënohet Dita Ndërkombëtare e Studentëve

Autori: Gazeta inFokus 07:09 | 17 November 2021

Sot më 17 nëntor po e shënojmë një datë të rëndësishme për studentët, Ditën Ndërkombëtare të Studentit

Kjo datë përkujton 17 nëntorin e vitit 1939, datë kjo kur forcat naziste ndërhynë në Universitetin e Pragës, pas demonstratave studentore kundër pushtimit të Çekosllovakisë dhe ekzekutuan pa gjyq të nëntë udhëheqësit e demonstratave studentore.

Gjithashtu dërguan mbi 1.200 studentë në kampet e përqendrimit, mbyllën të gjitha universitetet dhe i shndërruan në kazerma ushtarake. Për shkak të kësaj ngjarje të pashembullt, 17 nëntori është shpallur Dita Ndërkombëtare e Studentëve.

-Advertisement-

Kështu të njëjtin fat sikur të studentëve të Universitetit të Pragës e përjetuan edhe studentët e Universitetit të Prishtinës gjatë regjimit të atëhershëm të Milloshoviqit, kur nga objektet e Universitetit u dëbuan studentët shqiptarë dhe u lanë brenda vetëm studentët serbë.

Roli i studentëve kosovarë për çlirimin e Kosovës nga okupatori serb padyshim ishte i madh.

Të kujtojmë protestat studentore të vitit 1968 ku ndër parullat që u përdorën nga studentët e Shkollës së Lartë Pedagogjike ishte edhe parulla “Duam Universitet”, “Kosova Republikë”, “Rroftë populli Shqiptar” etj.

Më 11 dhe 26 mars 1981 shpërthyen demonstratat studentore të Universitetit të Prishtinës.

Po ashtu më 1 tetor të vitit 1997, një moment kthese në historinë e Kosovës, kur studentët, profesorët dhe qytetarët i mbushën rrugët e Prishtinës.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme