Sport

Zyrtare, Joao Cancelo rinovon kontratën me Manchester Cityn

Autori: Gazeta inFokus 13:07 | 01 February 2022

Kampioni anglez Manchester City e ka konfirmuar se mbrojtësi i krahut të djathtë Joao Cancelo ka rinovuar kontratën e tij me klubin edhe për dy vite të tjera.

Rinovimi i kontratës së 27 vjeçarit nënkupton që ai do të qëndrojë në stadiumin “Etihad” deri në verën e vitit 2027, ku deri atëherë Cancelo do t’i bënte tetë vjet si lojtar i Cityt, përcjell KosovaPress.

“Manchester City është një klub fantastik, kështu që jam tejet i lumtur që e kam nënshkruar marrëveshjen e re. Lojtarët e Cityt kanë çdo gjë që iu nevojitet për të arritur potencialin e tyre të plotë, me infrastrukturë fantastike, bashkëlojtarë të nivelit botërorë dhe një trajner të madh i cili kërkon çdo ditë nga ne”, tha Cancelo.

-Advertisement-

“Askund tjetër nuk është më mirë për të luajtur futboll, dhe është kënaqësi e madhe për të luajtur këtu. Kam edhe shumë gjëra të tjera për t’i arritur para se të përfundojë karriera ime, dhe Manchester City më ofron shanset për t’i arritur të gjitha synimet e mija”, shoti ylli portugez.

Që prej transferimit të tij nga Juventusi te Manchester City, Joao Cancelo ka arritur të bëjë 106 ndeshje me kampionin anglez, duke regjistruar shtatë gola dhe 14 asistime mbi emrin e tij.

Subscribe në YouTube: GAZETA INFOKUSI