Lajme

Zvicra kërkon konfiskimin e pasurisë së paligjshme të zyrtarëve

Autori: Gazeta inFokus 08:12 | 22 October 2019

Në kuadër të “Javës për të Drejtat e Viktimave të Krimit” Katarina Stoker, nga Ambasada Zvicerane në Kosovë, ka kërkuar që organet e drejtësisë ta konfiskojnë pasurinë e paligjshme të zyrtarëve të lartë të shtetit dhe atë t’ua kthejë qytetarëve të Kosovës. Njohësit e çështjeve të drejtësisë konsiderojnë se gjyqësorit në Kosovë i mungon vullneti për ta bërë një gjë të tillë, shkruan sot Gazeta “Zëri”.

Ambasadat e huaja në Kosovë edhe një herë tjetër kanë kërkuar që organet e drejtësisë ta konfiskojnë pasurinë e paligjshme të zyrtarëve të shtetit.

Në 10 vjetorin e “Javës për të Drejtat e Viktimave të Krimit”, ndër të tjera përfaqësues diplomatikë në Kosovë u shprehën se populli i Kosovës është viktimë e zyrtarëve të lartë të shtetit, të cilët në mënyrë të jashtëligjshme kanë përfituar në kurriz të tyre. Kështu theksoi përfaqësuesja nga Ambasada e Zvicrës në Kosovë, Katarina Stoker, e cila shtoi se kjo pasuri duhet t’u kthehet qytetarëve.

-Advertisement-

“Korrupsioni nuk është vetëm çështje etike, por prek në mënyrë sistematike jetën e njerëzve. Kosova deri tash ka pasur sukses të kufizuar në sanksionimin e rasteve të korrupsionit. Pra e kemi një numër të vogël të konfiskimit të pasurisë, zyrtarët përfitojnë nga pasuria e përfituar nga krimi. Është imperativ që pasuria e vjedhur ose e fituar në mënyrë të paligjshme të konfiskohet dhe t’u kthehet qytetarëve të Kosovës”, ka thënë ajo.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme