Sport

Zidane te PSG dhe Pochettino te Manchester United, skenari që zbulohet në Angli

Autori: Gazeta inFokus 10:41 | 22 November 2021

Te Manchester United kanë në kërkim të njeriut të duhur që do të pasojë të shkarkuarin Ole Gunnar Solskjaer. Emra të ndryshëm dalin në skenë, disa hidhen poshtë e të tjerë marrin kuota. Zinedine Zidane, nga ajo që raportojnë mediet angleze, nuk do të shkojë në “Old Trafford”. Sipas BBC, francezi e ka hedhur poshtë opsionin për t’u bashkuar me “Djajtë e Kuq”. Synimi i tij është të presë që të zhbllokohen dy stolat që e tërheqin më shumë,i PSG-së dhe mbi të gjitha i kombëtares franceze.

United tashmë i dinte synimet e Zizou dhe, pavarësisht kësaj, e ka konsideruar gjithmonë atë alternativë të rëndësishme, sidomos për faktin që mund të tërhiqte Kylian Mbappenë drejt këtij klubi.

Tërheqja e Zidane nga gara për stolin e United hap një tjetër opsion, më të qartë për momentin: Mauricio Pochettinon. Trajneri argjentinas është më i predispozuar për t’u larguar nga PSG dhe për t’iu bashkuar United. Sipas Daily Mail, ai nuk ndihet mirë në Paris, sepse qëndron në hotel, ndërsa familja e tij vazhdon të jetojë në Mbretërinë e Bashkuar.

-Advertisement-

Parizienët nuk janë tepër të kënaqur me Pochettinon, i cili nuk arriti të fitojë Ligue 1 sezonin e kaluar dhe ka lënë disa dyshime edhe në Champions League. Nëse Al Khelaifi vendos të marrë Zidane, atëherë Pochettino s’do të kishte asnjë pengesë për t’iu bashkuar “Djajve të Kuq”.

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

sport