Sport

Zidane do të kthehet si trajner skuadre, pasi Deschamps do të vazhdojë me Francën

Autori: Gazeta inFokus 18:14 | 20 December 2022

Zinedine Zidane mund të rikthehet sërish si trajner i ndonjë skuadre, pasi Didier Deschamps pritet të vazhdojë si trajner i Kombëtares së Francës.

Kontrata e Deschamps skadon në fund të këtij viti, por sipas raportimeve të ditëve të fundit, ai pritet të rinovojë kontratën dhe të jetë trajner i “Gjelave” edhe për Kampionatin Evropian 2024.

Sipas “L’Equipe”, kjo situatë mund të “detyrojë” Zidanen të marrë drejtimin e ndonjë skuadre dhe të heqë dorë nga Kombëtarja e Francës.

-Advertisement-

Legjenda e Francës dhe ish-trajneri i Real Madridit ishte konsideruar si favoriti kryesor për të zëvendësuar Deschampsin.

Paris Saint-Germain kishte bërë përpjekje për të arritur marrëveshje me 50-vjeçarin, por nuk ia doli.

Zidane thuhet se nuk dëshiron të nxitojë, por dëshiron të shkojë në një klub të organizuar mirë, ku do të kishte edhe kontrollin e plotë.

Zinedine Zidane është pa skuadër që nga viti i kaluar.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy