Lajme

Zhduket 13 vjeçari nga Prizreni, policia kërkon ndihmën e qytetarëve për gjetjen e tij

Autori: Gazeta inFokus 15:35 | 13 December 2022

Policia e Kosovës ka bërë publike foton e një fëmije 13 vjeç pasi që i njëjti është raportuar në polici si i zhdukur nga nëna e tij në rajon të Prizrenit tash e katër ditë, shkruan Gazeta Infokus.

“Kërkohet fëmija i zhdukur- Ender Cahani  (13 vjeçar) Prizren, 13 Dhjetor  2022 Jeta Cahani, nëna e  Ender  Cahanit  nga Prizreni, me datë 10 Dhjetor 2022 ka raportuar në polici zhdukjen e djalit të saj të mitur. Ender Cahani,  nga e ëma Jeta, lindur me datë 09.08.2009  nga Prizreni,  Republika e Kosovës, për here të fundit është parë  nga e ëma e tij me datë 08 Dhjetor 2022  në ora 18:20, kur ka dalë nga shtëpia dhe nëna e tij  më nuk ka asnjë kontakt me të”, thuhet në njoftim.

Personi që e ka njoftuar policinë për rastin ka deklaruar se i mituri është mashkull me peshë mesatare dhe flokë të shkurtra.

-Advertisement-

“Sipas ankuesit  viktima është:  mashkull,   me peshe mesatare, flokët të shkurtra, 13 vjeçar. Ankuesja thotë se edhe tjetër here ka ndodhur që fëmija të largohet nga shtëpia dhe është kthyer prapë, por tani nga koha e largimit të tij nga shtëpia ajo më nuk ka asnjë kontakt.  Personi i raportuar si zhdukur deri me sot nuk është gjet, andaj kërkojmë bashkëpunim nga të gjithë qytetarët,  që nëse e shohin personin (fëmijën) e njëjtë  apo  din diçka për vendndodhjen e tij të raportojnë Policin Rajonale në Prizren , apo në cilin do stacion të policisë në Kosovë”, ka bërë thirrje policia qytetarëve./Gazeta Infokus/

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme