Zgjedhjet serbe, OSBE: Për momentin s’ka kushte që serbët të votojnë në Kosovë
![](https://gazetainfokus.com/wp-content/uploads/2023/12/1147628681_0_289_3071_2016_1920x0_80_0_0_56db7216b695ead8583693ac29f3dd92-600x3601-1.jpg)
Autori: Gazeta inFokus
16:47 | 10 December 2023
Zgjedhjet në Serbi po afrohen, ndërsa serbët e Kosovës që kanë edhe shtetësi serbe, nuk do të mund të votojnë brenda territorit të Kosovës pa një marrëveshje paraprake ndërmjet dy vendeve. Ditë më parë kryeministri Albin Kurti ka deklaruar se kërkesa duhet të vijë direkt nga Serbia si palë e interesuar. Ndërsa, analistët thonë se është mirë të gjenden modalitete në përputhje me ligjet në Kosovë.
Edhe pse Qeveria e Serbisë ka kërkuar nga misioni i OSBE-së në Kosovë, që të përfshihet në mbledhjen e votave të banorëve të Kosovës me dy shtetësi, për zgjedhjet në Serbi, kjo nuk do të mund të realizohet nëse nuk ka një marrëveshje të veçantë ndërmjet Kosovës dhe Serbisë. “Kërkesa për një marrëveshje të tillë duhet të vijë nga Serbia, si palë e interesuar”, ka deklaruar ditë më parë kryeministri Albin Kurti, duke shtuar se “çdo kërkesë duhet të bazohet në sovranitetin dhe pavarësinë e Kosovës”.
Në pyetjen e Radio Kosovës drejtuar misionit të OSBE-së në Kosovë, nëse janë të gatshëm për procesin e mbledhjes së votave të serbëve të Kosovës, dhe nëse ka kërkuar nga Qeveria e Kosovës që t’u lejohet serbëve të Kosovës të marrin pjesë në zgjedhjet e Serbisë, duke votuar brenda vendbanimeve të tyre në Kosovë, në përgjigje thuhet se ky mision ka nevojë për konsensus të të gjitha palëve për këtë çështje.
“Misioni gjithashtu ka nevojë për mbështetje nga institucionet e Kosovës dhe kryesorja është nevoja për siguri nga Policia e Kosovës, si ofrues i parë i sigurisë. Për momentin, këto kushte nuk ekzistojnë”, thuhet në përgjigjen e OSBE-së në Prishtinë.
E nëse Qeveria e Kosovës ka pasur një kërkesë nga misioni i OSBE-së në Kosovë për të lejuar qytetarët serbë të votojnë brenda territorit të Kosovës, zëdhënësi i qeverisë, Përparim Kryeziu, përmes një përgjigje në formën elektronike për Radio Kosovën, ka thënë se në takimet e mëparshme të kryeministrit Kurti me ambasadorin e OSBE-së në Kosovë, dhe ambasadorët e QUINT-it, është diskutuar edhe kërkesa e Serbisë drejtuar OSBE-së për mbajtjen e zgjedhjeve në territorin e Republikës së Kosovës. Në këto takime, kryeministri Kurti ka thënë se është e nevojshme një marrëveshje ndër-shtetërore dhe se kërkesa për një marrëveshje të tillë duhet të vijë nga Serbia si palë e interesuar.
Ndërsa, analisti politik, Artan Muhaxhiri, tha për Radio Kosovën se do të ishte mirë që kryeministri Kurti të gjejë një modalitet për t’i ofruar votimin pakicës serbe, por duke respektuar Kushtetutën e Kosovës.
“Kjo duhet të bëhet duke respektuar ligjet e kushtetutshmërinë dhe vullnetin politik të Qeverisë së Kosovës. Në fakt në të kaluarën ky proces nuk ka qenë problematik. Por, tani edhe për shkak të momentumit delikat të procesit të dialogut dhe për një lloj ndryshimi negativ të qasjes së Serbisë kundrejt Kosovës dhe dialogut në përgjithësi, atëherë edhe rrethanat kanë ndryshuar”, tha Muhaxhiri.
Komuniteti ndërkombëtar i ka bërë vazhdimisht thirrje Qeverisë së Kosovës që të gjejë mënyra për mbajtjen e zgjedhjeve serbe. Mbajtja e zgjedhjeve parlamentare në Serbi, ndodh në një periudhë kur i gjithë komuniteti ndërkombëtar po bën përpjekje për normalizimin e marrëdhënieve Kosovë-Serbi, përmes dialogut të lehtësuar nga Bashkimi Evropian.
![](https://gazetainfokus.com/wp-content/uploads/2024/04/6792x336px.jpg)
Të tjera
-
Konjufca nderon Adem Demaçin: I pathyeshëm në burg dhe frymëzues brezash në lụftën për liri
Kryetari i Kuvendit të Kosovës, Glauk Konjufca, në gjashtëvjetorin e vdekjes ...
-
Vlora Çitaku mban nesër konferencë, s’tregohet arsyeja
Sekretarja e Përgjithshme e Partisë Demokratike të Koosvës, Vlora Çitaku, do ...
-
Nikolla jep dorëheqje si kryetare e kuvendit të Shqipërisë: Është rezultat i një situate personale shëndetësore
Kryetarja e kuvendit të Shqipërisë, Lindita Nikolla, ka dhënë dorëheqje nga p...
-
Mehaj kujton Demaçin: Udhëheqësit politikë gabuan që s’e bënë president sa ishte gjallë
Ish-ministri i Mbrojtjes, Armend Mehaj, ka kujtuar veprimtarin e çështjes...
-
Tri orë pritje e kolona deri në 1 mijë metra, përditësimi i fundit i MPB’së për gjendjen nëpër pikëkalimet kufitare
Qendra Kombëtare për Menaxhim Kufitar ka bërë një përditësim rreth gjendj...
-
Kush është Florim Ejupi, që sikur Faton Hajrizi u arratis nga Bondsteel-i?
Florim Ejupi është një ndër emrat më të përfolur në botën e errët të krimit n...
-
Presidentja i fton krerët e partive për t’u konsultuar rreth datës së zgjedhjeve që mbahen vitin e ardhshëm
Presidentja e Republikës së Kosovës, Vjosa Osmani-Sadriu, ka ftuar zyrtarisht...
-
Do rikthehen temperaturat mbi 40 gradë në Shqipëri
Në 21 korrik u shënua rekordi global përsa i përket temperaturës mesatare...
-
Mbledhja e radhës e Qeverisë, merret një vendim
Qeveria e Republikës së Kosovës ka mbajtur sot mbledhjen e 215’të. Në këtë...
-
KFOR-i publikon pamje nga kufiri me Serbinë: Po patrullojmë rregullisht
Misioni i NATO-s në Kosovë, KFOR, sot ka publikuar një video nga Mitrovica e ...
-
Hoxhaj viziton Thaçin e Veselin në Hagë: Fatin e tyre e shohin në shërbim të fatit të Kosovës
Deputeti i PDK-së, Enver Hoxhaj ka vizituar sot në Hagë, ish-presidentin Hash...
-
“Parisi 2024”, Osmani i ofron mbështetje ekipit të Kosovës: E bindur që do të shkëlqejnë dhe do të sjellin medalje
Presidentja Vjosa Osmani është lajmëruar në faqen e saj në Facebook, pak minu...