Rajoni dhe Bota

Zgjedhjet franceze, Barack Obama mbështet Macron

Autori: Gazeta inFokus 19:20 | 04 Maj 2017

Barack Obama bëri një ndërhyrje të minutës së fundit në zgjedhjet presidenciale franceze, në mbështetje të Emmanuel Macron, duke thënë se suksesi i Francës ka rëndësi për të gjithë botën.

Macron, kandidat i qendrës, përballet me Marine Le Penin e ekstremit të djathtë, në balotazhin presidencial të së dielës.

Sipas sondazheve, Macron është 20 pikë përpara Le Pen dhe debati televiziv i së mërkurës mes dy kandidatëve konfirmoi pikërisht këtë. Pavarësisht këtij avantazhi, Obama tha se zgjodhi të shfaqë mbështetjen e tij përmes një videoje, për shkak të rëndësisë së zgjedhjeve në Francë.

-Advertisement-

“Nuk planifikoj të përfshihem në shumë zgjedhje, tashmë që nuk kam pse kandidoj vet. Por zgjedhjet në Francë janë shumë të rëndësishme për të ardhmen e Francës dhe vlerat që ne çmojmë kaq shumë”, tha Barack Obama, ish-president i Shteteve të Bashkuara të Amerikës.

Obama tha se mbështet Emmanuel Macron, sepse ai u bën apel shpresave të njerëzve dhe jo frikës së tyre, ndërsa mesazhin e përfundoi në frëngjisht me fjalët “Vive La France”.

Pas publikimit të mesazhit të Obamës në faqen e “Tëitter”-it të Macron, ndihmësit e këtij të fundit thanë se ai ka bërë ankesë ligjore për shpifje ndaj rivales Le Pen, e cila gjatë debatit televiziv la të kuptohet se Macron kishte llogari bankare në ishujt Bahamas.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

rajoni-dhe-bota

Ky website përdor cookies. Duke vazhduar përdorimin, ju pranoni përdorimin e tyre.

Privacy policy