Lajme

Zëvendëskryeministri Bislimi tregon çfarë po ndodhë me Projektligjin e pagave

Autori: Gazeta inFokus 12:46 | 01 April 2022

Zëvendëskryeministri i Kosovës, Besnik Bislimi është duke raportuar para komisionit për Integrime Evropiane.

Bislimi nga deputetët u pyet edhe për ligjin e pagave, shkruan Gazeta Infokus. Ai ka thënë se në momentin që ky draft ligj të adresojë të gjitha brengat e qytetarëve do të sillet për votim në Kuvend.

“Drafti ka qenë gati që në janar, por ka qenë kërkesë e imja dhe e ministrit të financave sepse kemi disa brenga. Sepse nuk duam që të na kthehet nga Gjykata Kushtetuese. Ideja jonë është që në momentin kur ligji të jetë u gatshëm t’i adresojë të gjitha brengat, ai duhet të sillet në Kuvend. Presioni ‘sille më shpejtë’ nuk i kontribuon një dokumenti kualitativ”, tha Bislimi para komisionit.

-Advertisement-

Derisa ai ka shtuar se me këtë ligj nuk rriten pagat por rregullohen dhe nivelizohen.

“Projektligji për pagat nuk është projektligj për rritje të pagave, por është ligj që i rregullon dhe nivelizon pagat. Ai i rregullon vetëm pagat e 80 mijë punëtorëve të administratës publike. Nuk jemi tu pru ligj për rritje të pagave, por ligj për rregullimin e pagave në sektorin publik”, tha ai.

Ndërsa dje me një aksion në seancën plenare të Kuvendit, shefi i Grupit parlamentar të AAK-së, Besnik Tahiri ka ngritur shqetësimin e tij për vonesat në Projektligjin e pagave./Gazeta Infokus/

Subscribe në YouTube: GAZETA INFOKUSI