Lajme

Zemaj: Përdorimi i AKI-së për fabrikimin e lajmeve të rreme është kulmi i goditjes së institucioneve

Autori: Gazeta inFokus 16:40 | 25 November 2024

Deputeti i Lidhjes Demokratike të Kosovës, Armend Zemaj ka reaguar pas publikimit të një audio- incizimi të publikuar nga “Paparaci”, në të cilin Rilind Gërvalla implikon direkt AKI-në në skandalin e lajmit të rrejshëm kundër dy mediave kosovare.

Ai ka thënë se përdorimi i AKI-së për fabrikimin e lajmeve të rreme në llogari të pushtetit, është kulmi i goditjes së institucioneve të pavarura të sigurisë.

“Përdorimi i AKI-së për fabrikimin e lajmeve të rreme në llogari të pushtetit, për t’i goditur media të caktuara është kulmi i goditjes së institucioneve të pavarura të sigurisë. Një veprim i tillë dëmton shtetin, dëmton AKI-në dhe zbeh besimin e qytetarëve në ketë institucion të ndjeshëm. Prandaj RTK duhet të funksionojë në mënyrë të pavarur nga interesat politike dhe të siguroj informim të paanshëm” tha ai.

-Advertisement-

Zemaj shtoi se AKI duhet të operojë jashtë ndikimeve politike për ta ruajtur besimin, dhe efektivitetin që posedon.

“Po ashtu AKI duhet të operoj jashtë ndikimeve politike për ta ruajtur besimin dhe efektivitetin e tij. Pavarësisht se pushteti i keq nuk zgjedh mjete, qytetarët e kanë mjetin kryesor për ta rrëzuar pushtetin e keq përmes kutive të votimit. 9 shkurti po afron, ndëshkimi qytetarë ju pret”./GazetaInfokus

Subscribe në YouTube: GAZETA INFOKUSI
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

lajme