Zelensky në Hagë thotë se Putini duhet të përballet me drejtësinë
![](https://gazetainfokus.com/wp-content/uploads/2023/03/zelensky-2-1280x720-1-600x3601-1.jpg)
Autori: Gazeta inFokus
16:47 | 04 May 2023
Presidenti ukrainas, Volodymyr Zelensky gjatë vizitës në Hagë të Holandës të enjten, tha se presidenti rus, Vladimir Putin duhet të sillet para drejtësisë për luftën e tij në Ukrainë.
Ai ka bërë thirrje për krijimin e një gjykate speciale të dedikuar për gjykimin e pushtimit rus të Ukrainës.
“Ne do të krijojmë një gjykatë të veçantë për të treguar se këta njerëz nuk janë të paprekshëm. Ne kemi nevojë për drejtësi”, tha ai në një konferencë shtypi.
Gjykata Ndërkombëtare Penale, një gjykatë e përhershme për krimet e luftës me seli në Hagë, në mars lëshoi një urdhër arresti për Putinin për dëbimin e dyshuar të fëmijëve nga Ukraina, që do të ishte një krim lufte.
Por GJNP-ja nuk ka juridiksion mbi krimin e agresionit në Ukrainë.
Një akt agresioni përkufizohet nga Kombet e Bashkuara si “pushtim ose sulm nga forcat e armatosura të një shteti (në) territorin e një shteti tjetër, ose çdo pushtim ushtarak”.
Komisioni Evropian, ndër të tjera, ka thënë se mbështet krijimin e një qendre të veçantë ndërkombëtare për ndjekjen penale të krimit të agresionit në Ukrainë, që do të ngrihet në Hagë.
“Ne të gjithë duam të shohim një Vladimir (Putin) tjetër këtu në Hagë, atë që meriton të sanksionohet për veprimet e tij kriminale këtu, në kryeqytetin e së drejtës ndërkombëtare”, tha Zelensky në një fjalim më herët gjatë ditës.
“Jam i sigurt se kjo do të ndodhë kur të fitojmë dhe ne do të fitojmë”, tha ai.
Presidenti ukrainas, Volodymyr Zelensky, mbërriti në Holandë të mërkurën vonë për një udhëtim të paparalajmëruar më parë.
Ai arriti në aeroportin e Amsterdamit me një aeroplan të qeverisë holandeze që vinte nga Helsinki dhe më pas u drejtua në një autokolonë drejt Hagës nën shoqërimin e policisë.
Ligjvënësit holandezë konfirmuan në Twitter se një takim me presidentin ukrainas ishte planifikuar në Hagë të enjten.
Mediat holandeze raportuan se ai do të takohet gjithashtu me kryeministrin e Holandës, Mark Rutte, dhe do të mbajë një fjalim në Hagë.
Vizita e presidentit ukrainas, Zelensky, nuk u njoftua paraprakisht dhe shënon vizitën e parë të liderit ukrainas në Holandë.
Më parë, ai ishte takuar me liderët nordikë në një samit në Finlandë, në të cilin ata premtuan mbështetjen e tyre për liderin ukrainas për aq kohë sa të ishte e nevojshme.
Holanda deri tani i ka ofruar Ukrainës ndihmë ushtarake prej rreth 1.2 miliardë euro duke ndihmuar Ukrainën që të mbrohet kundër pushtimit të plotë të Rusisë.
Rusia nisi pushtimin e Ukrainës në muajin shkurt të vitit të kaluar./REL
![](https://gazetainfokus.com/wp-content/uploads/2023/12/Image_20231220_143505_782-scaled.jpeg)
Të tjera
-
Ambasadori Hill: Kërkojmë që sulmuesit e Banjskës të mbahen përgjegjës
Ambasadori amerikan në Serbi, Christopher Hill, tha se sa i përket aktakuzës ...
-
Detaje tronditëse në aktakuzën e “Banjskës”, implikohet kompania që përfitoi tender nga Ministria e Infrastrukturës
Aktakuza e rastit “Banjska”, e cila akuzon 45 persona fizik e juridik, nxjerr...
-
Aleksandër Arsenijeviq ishte parë afër “maskave” kur ishte sulmuar KFOR-i
Aktivistja e shoqërisë civile, Kaltrina Kamberi, ka thënë se politikani serb,...
-
Kurti pas takimit me Spiropalin: Diskutuam mbi bashkëpunimin e gjerë dhe të fuqishëm
Kryeministri i Kosovës, Albin Kurti është takuar me kryeparlamentaren e Shqip...
-
Nesër seancë plenare, ky është rendi i ditës
Kuvendi ka njoftuar se nesër do të mbahet seancë plenare nga ora 10:00. Ky...
-
Dëshmitë e prokurorisë: Pamje e papublikuar më parë e grupit të Radojçiqit
Tashmë është publikuar një pjesë nga aktakuza e Prokurorisë Speciale ndaj gru...
-
Publikohet aktakuza e rastit ‘Banjska’, cili ishte roli i Radoiçiqit në grupin terrorist?
45 të dyshuarit për pjesëmarrje në sulmin terrorist në Banjskë, do të ballafa...
-
Banimi i përballueshëm social, Aliu: Kemi nënshkruar marrëveshjet me 4 komuna, 13 tjera në proces
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Avokati Bajraktari për aktakuzën në Banjskë: Shpresoj që prokurori i çështjes, i sụlmuar politikisht, t’i marrë veprimet në mënyrë ligjore
Avokati Ardian Bajraktari ka thënë se shpreson që prokurori i çështjes së akt...
-
Ambasada amerikane falënderon popullin e Kosovës që qëndroi krah SHBA-së në luftën kundër terrorizmit
Ambasada e SHBA-së në Kosovë ka falënderuar popullin e Kosovës, si dhe partne...
-
Donika Gërvalla: Nuk po e hapim tani Urën e Ibrit, po përgatitemi për një moment të përshtatshëm
Kryediplomatja, Donika Gërvalla, ka thënë se ura nuk po hapet tani, duke shtu...
-
Këto janë të gjitha vendimet që u morën në mbledhjen e sotme të Qeverisë
Qeveria e Kosovës ka mbajtur mbledhjen e 220’të ku ka miratuar: 1. Miratua...