Lajme

​Zelensky: Mariupoli po “bëhet hi”, por qyteti do të “mbijetojë”

Autori: Gazeta inFokus 23:05 | 21 March 2022

Presidenti i Ukrainës, Volodymyr Zelensky, tha në një video-fjalim sot se qyteti port ukrainas i Mariupolit po “shndërrohet në hi” nga agresioni ushtarak i Rusisë, por shtoi se qyteti do të mbijetojë.

Mariupol, i cili para luftës ishte shtëpia e rreth 450.000 njerëzve, ka qenë pothuajse nën sulm të vazhdueshëm nga forcat ruse që nga fillimi i marsit me imazhet satelitore që tregojnë shkatërrime të konsiderueshme në zonat e banuara.

Shefi i politikës së jashtme të Bashkimit Evropian, Josep Borrell, tha të hënën se ajo që po ndodh në Mariupol është një krim masiv lufte.

-Advertisement-

Zelensky në fjalimin e tij vazhdoi të nxiste përsëri ukrainasit që të bëjnë gjithçka që munden për të mbrojtur vendin.

“Që kur pushtimi rus i Ukrainës filloi në fund të shkurtit, “ne po shohim gjithnjë e më shumë heronj. Dikur ukrainas të zakonshëm dhe tani luftëtarë të vërtetë”, tha ai.

Udhëheqësi ukrainas tha gjithashtu se qytetarët e zakonshëm në Ukrainë po “rriten” deri në atë pikë sa Rusia “nuk beson se ky është realiteti” dhe shtoi, “ne do ta bëjmë Rusinë të besojë”.

“Luftoni, vazhdoni të luftoni dhe ndihmoni,” u kërkoi ai ukrainasve.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme