Sport

Zekrija Ramadani tregon faktorët që ndikuan në humbjen ndaj Ballkanit, flet edhe për kartonin e kuq të Mankendës

Autori: Gazeta inFokus 16:02 | 24 October 2021

Skuadra e Prishtinës ka pësuar humbje në udhëtim te Ballkani me rezultat 2-0, në duelin e vlefshëm për xhiron e 11-të në Superligë, shkruan Gazeta inFokus.

Pas përfundimit të kësaj ndeshje ka folur trajneri i kryeqytetasve, Zekrija Ramadani,  i cili ka thënë se është munduar ta qetësoj Mankendën, por ai humbi kontrollin dhe u ndëshkua me karton të kuq.

“E pashë që Mankenda doli nga vetja, humbi kontrollin, u mundova ta qetësojë, është hera e dytë qe po i ndodhë, ndoshta është problem psikologjik tek ai, është faji 100% tek ai. Faulat e tij erdhën nga 60-70 metra larg portës tonë”, tha fillimisht Zekrija Ramadani për Art Sport.

-Advertisement-

Me pas tekniku shkupjan tregoi disa faktorë të cilët ndikuan që ta humbnin takimin ndaj Ballkanit.

“Ka shumë faktorë për humbjen e sotme, faji kryesor është edhe tek ajo që mbetem me 10 lojtarë, por ne krijuam, kishim posedim sa kishim mundësi, goli i parë ishte vendimtar për këtë takim”, vazhdoi ai.

Për fund Ramadani foli edhe për garën për titull, ku tha se mbrojtja ta sjellë titullin, sulmi ta fiton ndeshjen.

“Normal që mbrojtja ta sjellë titullin, sulmi ta fiton ndeshjen, ne s’kemi shënuar shumë, e kemi pranuar shumë gola, kemi humbur shumë takime që nuk na takon neve. Duhet secili të merr përgjegjësi për punën që bën”, përfundoi ai.

Pas kësaj fitoreje, Ballkani kryeson Superligën me 21 pikë, kurse Prishtina mbetet e pesta me 13 sosh./Gazeta inFokus/

Subscribe në YouTube: GAZETA INFOKUSI
Etiketa:
Birra të ftohta e me shumë ZBRITJE veç në Viva Fresh!
-Advertisement-

Të tjera

Fokusi

sport