Sport

Zekrija Ramadani flet pas barazimit me Ulpianën, tregon se kur do të luaj Besart Berisha

Autori: Gazeta inFokus 18:15 | 30 September 2021

Skuadra e Prishtinës nuk ka arritur më shumë se një barazim 1-1 ndaj Ulpianës, në takimin e vlefshëm për xhiron e shtatë në Superligë, shkruan Gazeta inFokus.

Pas ndeshjes ka folur trajneri i kryeqytetasve, Zekrija Ramadani, i cili ka thënë se ndeshjet këtë sezon nuk janë duke i nisur ashtu siç duhet.

“E para, unë mendoj që ndeshjet këtë sezon nuk jemi duke i nisur ashtu siç duhet, në çdo ndeshje përveç Feronikelit kemi pranuar gol. Disa të lehtë, disa për shkak të gabimeve tona, por i takon edhe merita kundërshtarëve për disa nga golat e shënuar”, tha fillimisht Ramadani.

Me pas tekniku shkupjan tha se brenda shtatë xhirove kanë marrë dy kartonë të kuq, duke shtuar se i’a ka rikujtuar lojtarëve se duhet kenë kujdes nga VAR-i.

“1-1 rezultati më brengos, pasi kishim një skuadër që nuk ka objektiva të njëjta sikurse ne, të paktën nga ato që kanë deklaruar. Brenda 7 xhirove kemi 2 karton të kuq, kjo është e pafalshme. Unë vazhdoj të ia rikujtoj lojtarëve përpara çdo takimi, kujdes nga VAR-i. Çdo stërvitje, ia përmendi punën e VAR-it. Duhet të kemi më shumë kujdes. Ne duhej të merrnim mësim nga ndeshja mes Gjilanit dhe Llapit. Çasja në ndeshje është me vonesë, jo vetëm me Ulpianën por edhe në të tjerat. Duhet të punojmë në këtë drejtim dhe në punën e VAR-it”, u shpreh ai.

Për fund Ramadani tregoi se kur do të jetë i gatshëm për lojë futbollisti i transferuar së fundmi, Besart Berisha.

“Besart Berisha do të na ndihmojë shumë në pjesën e mbetur të kampionatit, por do t’i ndihmojë gjithashtu të rinjtë e skuadrës që janë në pjesën ofanzive. Pas pauzës së kombëtareve, ai do ta marrë veten dhe pritet të luajë”, ka thënë për Art Sport trajneri i Prishtinës.

Pas këtij barazimi, Prishtina renditet e gjashta me 9 pikë, kurse Ulpiana mbetet e nënta me 6 sosh./Gazeta inFokus/

Të tjera