Zbulohet një shpellë në Hënë
![](https://gazetainfokus.com/wp-content/uploads/2024/07/640-0-hdsdg-1721109101.png)
Autori: Gazeta inFokus
07:55 | 16 July 2024
Shkencëtarët kanë konfirmuar zbulimin e një shpelle në Hënë, jo larg vendit ku Neil Armstrong dhe Buzz Aldrin u ulën 55 vjet më parë.
Shkencëtarët mendojnë se në Hënë ka qindra shpella të tjera ku mund të strehohen astronautët në të ardhmen.
Një ekip i udhëhequr nga shkencëtarë italianë njoftoi të hënën se ka prova për një shpellë të përmasave të mëdha, hyrja e së cilës është në atë që njihet si gropa më e thellë në Hënë dhe shtrihet në “Detin e Qetësisë” “Sea of Tranquility”, rreth 400 kilometra nga vendi ku u ul misioni ‘Apollo 11’.
Ultësira, me rreth 200 të tjera të ngjashme të zbuluara atje, është krijuar nga shembja e tubacioneve të llavës, sipas shkencëtarëve.
Hulumtuesit analizuan matjet e radarëve nga sonda “Lunar Reconnaissance Orbiter” që vëzhgon Hënën dhe i krahasuan rezultatet me damarët e llavës në tokë. Studimi i tyre është publikuar në revistën “Nature Astronomy”.
Të dhënat e radarit tregojnë vetëm pjesën fillestare të zgavrës hënore, sipas shkencëtarëve. Ata vlerësojnë se shpella është të paktën 40 metra e gjerë dhe disa dhjetëra metra e gjatë, e ndoshta më shumë.
“Shpellat hënore kanë qenë mister për më shumë se 50 vjet. Kështu që ishte emocionuese prova e ekzistencës së një shpelle”, thanë përmes një emali Leonardo Carrer dhe Lorenzo Bruzzone nga Universiteti i Trentos.
Shumica e gropave duket se ndodhen në fushat e lashta të llavës së Hënës, sipas shkencëtarëve.
Astronautët nga NASA kanë në plan që në fund të kësaj dekade të zbresin në polin jugor të Hënës, ku mund të ketë gropa të ngjashme.
Besohet se ka akuj në krateret hënore që nuk ndriçohen kurrë nga dielli, që mund të shfrytëzohen për ujë të pijshëm dhe lëndë djegëse për raketat.
Gjatë programit Apollo të NASA-s, 12 astronautë u ulën në Hënë, duke filluar me Armstrong-un dhe Aldrin-in më 20 korrik të vitit 1969.
Gjetjet sugjerojnë se mund të ketë qindra gropa në Hënë dhe mijëra tubacione llave. Ato mund të shërbejnë si një strehë natyrore për astronautët, për t’i mbrojtur ata nga rrezet kozmike dhe rrezatimi diellor, si dhe nga goditjet e mikrometeorike, copëza të vogla sa një kokërr rëre.
Ndërtimi i vendbanimeve nga e para do të kërkonte më shumë kohë dhe përbën sfidë, madje edhe kur merret parasysh nevoja e mundshme për të përforcuar muret e shpellës për të parandaluar shembjen, tha ekipi.
Shkëmbinjtë dhe materialet e tjera brenda këtyre shpellave, të pandryshuara nga kushtet e vështira të sipërfaqes hënore gjatë përjetësisë, gjithashtu mund t’i ndihmojnë shkencëtarët që të kuptojnë evolucionin atje, kryesisht kur bëhet fjalë për aktivitetin vullkanik./VOA
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
Vizita e shefit të CIA-s në Kosovë, gjithçka nga takimet e William Burns në Presidencë dhe AKI
Drejtori i Agjencisë Qendrore të Inteligjencës Amerikane (CIA), William Burns...
-
Kusari: Ura do të hapet, Qeveria njëzëri me presidenten
Jemi të bindur se ura do të hapet dhe se kjo çështje është e Kosovës”, kështu...
-
BE aktivizon mekanizmin e mbrojtjes civile në Madeira
Komisioni Evropian njoftoi se po dërgonte dy aeroplanë zjarrfikës në ishullin...
-
Gjenerali Clark: Serbia është krahu i Rusisë në Ballkan dhe i shërben interesave ruse, Vuçiq është dinak
Wesley Clark, një nga pjesëmarrësit aktivë në negociatat në Dejton 20 vjet më...
-
“Jemi në rrezik”/ Çfarë ndodhi që siguria i ndërpreu papritur intervistën Donald Trump?!
Ish-presidenti Donald Trump ndërpreu papritur një intervistë me NewsNation të...
-
Shtimi i rasteve, miratohen variantet e reja të vaksinave kundër COVID-19
Rregullatorët amerikanë kanë miratuar variantet e përditësuara të vaksinave k...
-
Sot përfundon afati për konvertimin e patentë shoferëve ilegal, Policia tregon sa qytetarë hoqën dorë nga dokumenti serb
Nesër (e premte) përfundon afati për aplikim nga qytetarët për konvertim të p...
-
LDK-ja thërret konferencë për media
Lidhja Demokratike e Kosovës (LDK), do të mbajë sot konferencë për media. ...
-
Moti me diell, maksimalja sot deri në 32 gradë
Në vendin tonë sot do të mbajë mot me diell dhe vranësira të shpërndara. S...
-
Dita e fundit e Kuvendit Kombëtar të Demokratëve, Kamala Harris në qendër të vëmendjes, ja tre objektivat e fjalimit të saj
Nënpresidentja Kamala Harris do të pranojë të enjten në mbrëmje zyrtarisht em...
-
Selmanaj për aferat korruptive të qeverisë Kurti: Ka urdhër, “ku na duhen paratë dhe kënd duhet ta shpërblejmë”
Deputeti i LDK-së, Driton Selmanaj ka folur për skandalet dhe aferat korrupti...
-
Sulmet ndaj KFOR dhe Banjska, Zyrtari i NATO’s tregon çfarë i tha Vuçiqit në Beograd dhe si iu përgjigj ai
Boris Ruge, Ndihmës Sekretari i Përgjithshëm i NATO-s për Çështjet Politike d...