Sport

Zbulohet ‘drama’ që ndodhi në zhveshtoren e Argjentinës pas humbjes së turpshme nga Kroacia

Autori: Gazeta inFokus 18:16 | 20 July 2018
Gazetari Ariel Senosiain, i ‘TyC Sports’ në librin e tij “Mundial es Historias”, ka zbuluar një prapaskenë interesante nga dhoma e zhveshjes e Kombëtares së Argjentinës në Kupën e Botës pas ndeshjes me Kroacinë.
Argjentina pa veten me një këmbë jashtë botërorit që në fazën e grupeve, pas humbjes 3:0 nga Kroacia.

Pas kësaj ndeshje, në zhveshtore lojtarët e Argjentinës më në krye me Mascheranon dhe Messin kanë kërkuar të marrin situatën në kontroll, duke qenë të pakënaqur me trajnerin Jorge Sampaoli dhe stafin e tij.

“Ne nuk do të marrim për bazë atë që ju thoni, sepse nuk iu besojmë më si trajner. Ne duam të kemi një opinion”, – iu drejtua Mascherano trajnerit Sampaoli, i cili pyeti aty për aty i habitur: Opinion për çfarë? Përgjigjia e veteranit të kombëtares ishte e qartë: “Opinion për gjithçka. Ju e vendosni ekipin në fushë, ju e drejtoni trajnimin”, thuhet në rrëfimin që sjellë Ariel Senosiain.

Ky ishte momenti kur Messi e mori fjalën dhe e qortoi trajnerin pse i kishte kërkuar gjatë lojës se cilin lojtar të hidhte në fushë: “Ju më keni pyetur dhjetë herë se cilët lojtarë duhet të aktivizosh, por kurrë nuk ju kam dhënë një emër”.

-Advertisement-

Kujtojmë se Argjentina arriti të kalonte grupin duke e mundur Nigerinë, por u eliminua menjëherë pas përballjes me Francën, që në fund u kurorëzua me titullin e botës.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

sport