Sport

Ylli i dikurshëm i Bayernit merr drejtimin e kundërshtares së Kosovës

Autori: Gazeta inFokus 23:42 | 15 February 2021

Selektori i Kosovës, Bernard Challandes do të ketë përballë një emër shumë të njohur kur “dardanët” të përballen me Gjeorgjinë më 2 shtator, në kuadër të eliminatoreve për Botërorin 2022 në futboll.

Federata e Futbollit e Gjeorgjisë të hënën ka emëruar në postin e përzgjedhësit të Gjeorgjisë yllin e dikurshëm të Bayern Muenchenit, Willy Sagnol.

Francezi 43-vjeçar ka luajtur për Bayernin nga viti 2000 deri në vitin 2009. Ishte mbrojtës i njohur. Më parë ka luajtur edhe për St. Etiennen dhe Monacon. Për Francën i ka 58 ndeshje.

-Advertisement-

Sagnol tashmë ka karrierë edhe si trajner. Ishte drejtor teknik i Francës nga viti 2011 deri në vitin 2013. Më pas drejtoi Francën U20 dhe atë U-21. Prej vitit 2014 deri në vitin 2016 punoi te Bordeaux ndërsa në vitin 2017 ishte ndihmës te Bayerni e më pas edhe trajner i përkohshëm.

Tani do ta drejtojë Gjeorgjinë. Komiteti Ekzekutiv i Federatës së Futbollit të Gjeorgjisë ka aprovuar të hënën vendimin për emërimin e Sagnolit.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

sport