Politologu Xhemal Ahmeti analizon mundësitë se si mund të sillen njerëzit në ditën e votimit. Ai mendon se një kategori qytetarësh është sensibilizuar për të mos votuar njerëz me biografi të inkriminuar, mirëpo sipas tij kriminaliteti si dukuri është imunizuar aq shumë saqë nuk merret si duket aq seriozisht.

Përveç kësaj në perceptimin e kategorive të ndryshme “krimineli” shpjegohet dhe përshkruhet në shumë mënyra.

“Çka aktualisht mund të themi është se vërehet një sensibilizim i shtresave të arsimuara për të votuar njerëz të pa korruptuar materialisht. Kësaj radhe vërehet se partitë nuk e perceptuan sa duhet sinjalin dhe gatishmërinë e masave për t’i ndëshkuar nëse ofrojnë njerëz të inkriminuar. Ose janë të sigurta se askush nuk i dënon për këtë punë. Kështu mund të shpjegohet shkaku pse ne listat e tyre – pa përjashtim – gjenden njerëz të vulosur si të korruptuar. Dhe kur themi të korruptuar nuk mendojmë vetëm në ata që janë ne gjyqe se akuzohen të abuzuar, por e kam fjalën edhe për ata që janë bërë milionerë me tenderë por që nuk i ndjek kush se “të zotë e aktualisht në anën e moralëve”, flasim edhe për ata pra që janë infiltruar nga organizata të huaja për të bërë sherre në shoqëri dhe të llojit”, thotë ai për GazetaBlic.

“Ngase dallimi ndërmjet dy blloqeve LDK, LVV dhe PDK+AAK+Nisma, sipas rezultateve të shkuara është vetëm 1.47, kjo masë e sensibilizuar kundër listave me të korruptuar mund të ndikojë se ku do të jetë shumica, pra sa më e madhe të jetë pjesëmarrja e neutralëve (nga shumica që nuk voton) aq me rrezik do të jetë për të dyja blloqet. E njëjta mirëpo – e ballafaquar me të korruptuar gjithandej – do të zgjeroj katalogun edhe me kushte tjera si; me kë jemi më të sigurt për integrim në BE, liberalizim, me kë jemi më të sigurt se nuk do të devijohet drejt ndonjë rruge tjetër, kush mund të pengojë radikalizmit, kush vërtet posedon me programe për ekonominë e mesme vendore, kush mund të siguroj vende pune për rajonin ku konkurron dhe të natyrës”, shpjegon matej Xhemal Ahmeti

Sipas ekspertit të politikave ballkanike në Zvicër, megjithatë koha deri në ditët e votimit është jashtëzakonisht e rëndësishme ngase:

“Besoj se, sipas kësaj matematike, si asnjëherë më parë mund të vendoste masa a partiake për fatin e Kosovës. E kjo masë ngase e donë shtet ligjor dhe prosperitetin drejt BE kërkon edhe programe të tilla. Tash pritet të shihet se cili bllok bind më së miri. Vetëm me propagandë të zëshme morale kundër korrupsionit, me parulla për bashkime e patriotizma që çojnë drejt izolimit asnjëra parti nuk duhet të llogaris se do të shtojë votat”.

Qytetarët e Kosovës do t`i drejtohen kutive të votimit me 11 qershor.

UNI-Universum International College rankohet me sukses në Times Higher Education Impact Rankings 2024

Sponsoruar