Lajme

Xhaferi uron Kosovën, 15 vite më parë vendim historik e i shumëpritur

Autori: Gazeta inFokus 08:13 | 17 February 2023

Kryetari i Kuvendit të Maqedonisë së Veriut, Talat Xhaferi, ka uruar Kosovën në përvjetorin e 15 të pavarësisë.

“Shpreh urimet e mia të përzemërta me rastin e 15-vjetorit të marrjes së vendimit historik, vendimit aq të përgjegjshëm por njëherazi edhe të shumëpritur dhe tej masë të guximshëm të qytetarëve kosovarë dhe Republikës së Kosovës! “, ka shkruar ai në ‘Facebook’.

Sipas tij vizioni i burrështetasve Rugova, Jashari, largpamësia, mençuria dhe vullneti i palëkundshëm për ndërtimin e një shteti të lirë dhe të pavarur ishte rruga që e trasuan dhe plot 15 vite e ndjekin me devotshmëri gjeneratat e reja, duke e kompletuar imazhin e Republikës së Kosovës bashkëkohore, demokratike, progresive dhe paqedashëse.

-Advertisement-

“I gëzofsh edhe shumë përvjetorë Kosovë, në paqe, mirëqenie dhe reflektim pozitiv dhe të respektueshëm në rajon dhe më gjerë!”, tha ai.

Subscribe në YouTube: GAZETA INFOKUSI