Sport

Xavi i gëzohet suksesit me katër gola, zbulon lojtarin që u dallua në Camp Nou

Autori: Gazeta inFokus 10:32 | 24 October 2022

Barcelona koleksionon fitoren e dytë radhazi dhe pas Villarealit, katalanasit shkëlqyen edhe ndaj Athletic Bilbao. Në Camp Nou nuk pati thuajse fare rivalitet me vendasit që shënuan katër gola, tre nga të cilët vetëm në pjesën e parë. Pas ndeshjes, trajneri Xavi Hernandez ishte i lumtur me paraqitjen e lojtarëve të tij, ndërsa veçoi performancën e Ousmane Dembele, autor i një goli dhe tre asisteve.

“Më pëlqeu intensiteti i treguar nga skuadra si dhe mënyra si lojtarët dilnin nga presioni. Ishte një ndeshje e kompletuar dhe që lë një shije të mirë, tani duhet të vazhdojmë në këtë rrugë. Një plus i madh ëshë edhe atmosfera në Camp Nou, duhet ta shfrytëzojmë atë. Dembele? Ishte shumë mirë dhe bëri diferencën në fushë. Jam i lumtur për të, ndaj Bilbaos ia doli të vendosej në pozicionet e duhura në fushë dhe krijoi shumë.

Megjithatë, mund të them se të gjithë lojtarët ishin për notën 10, jam këtu për t’i ndihmuar të përmirësohen. E kam të vështirë të përzgjedh lojtarët në sulm, pasi janë në formë aktualisht, por konkurrenca është e mirëseardhur. Të jeni të bindur se edhe Raphinha do të na ndihmojë shumë përgjatë sezonit”, u shpreh Xavi.

-Advertisement-

Subscribe në YouTube: GAZETA INFOKUSI