Sport

Xavi Hernandez: Prekëm fundin, tani nis një epokë e re

Autori: Gazeta inFokus 10:39 | 09 Dhjetor 2021

Xavi Hernández, e pranon se Barcelona ka prekur fundit, por që nga ky moment nis një epokë e re për “blaugranat”. Trajneri i katalanëve, pas humbjes me Bayernin, e pranoi se skuadra e tij pësoi një disfatë jo vetëm e dhimbshme për shkak të rezultatit, por edhe sa I përket imazhit, pasi futbollistët e tij në asnjë moment nuk e vunë në vështirësi kundërshtarin bavarez.

“Na kanë nënshtruar. Është realitet i hidhur. U kam thënë tashmë lojtarëve se sot fillon një fazë e re. Ne nuk kemi qenë konkurres. Më dhemb shumë kjo që ndodhi si më së shumti. Nuk mund t’ia lejojmë vetes që kemi rënë në këtë pikë. Nuk e meritojmë të jemi në Ligën e Evropës. Mendova se mund të konkurronim më mirë, por realiteti është se nuk mundëm.”

Gjithsesi, Xavi ka një mesazh për të gjithë, Barcelona do të rikthehet shumë shpejt në majë.

-Advertisement-

“Tani për tani ka vetëm zhgënjim dhe dorëzim, por ne do ta kthejmë Barcelonën në vendin që meriton. Objektivi ynë është të fitojmë çdo ndeshje dhe çdo titull.”