Sport

Xavi e pranon: Problem, mbrojtja, duhet një zëvendësues për Gavin

Autori: Gazeta inFokus 14:49 | 19 Dhjetor 2023

Barcelona do të presë Almerían të mërkurën në një moment aspak pozitiv. Pas humbjeve të njëpasnjëshme ndaj Gironas dhe Antwerpit (Champions League), skuadra katalanase bëri një tjetër hap pas më garën për titullin ndaj Valencias, të shtunën, duke barazuar 1-1. Kritikat për punën e Xavit po shtohen dita-ditës.

“Çfarë mungon? Mbrojtja efikase. Sezonin e kaluar ne e ruajtëm portën të paprekur në shumë ndeshje, por në këtë sezon nuk po ndodh. Duhet të jemi më të fortë për të qenë më konkurrues.

Besoj shumë në atë që po bën ekipi, jam optimist. Besoj se do të kemi një sezon të mrekullueshëm. Ndonjëherë, të jesh trajner i Barcelonës mund të jetë e pakëndshme, por nëse dëshiron të jesh në elite, duhet të durosh”, tha Xavi Hernandez, duke kërkuar nga drejtuesit të përforcojnë mesfushën, pasi Gavi, për shkak të një dëmtimi të rëndë, do të jetë jashtë për një kohë të gjatë.Mesfushori pësoi një këputje të ligamentit të kryqëzuar të përparmë të gjurit të djathtë dhe një “dëmtim të lidhur me meniskun” dhe nuk do të luajë më këtë sezon.

-Advertisement-

“Ne gjithmonë kërkojmë të përforcojmë skuadrën. Me dëmtimin e Gavit na duhet një lojtar me atë profil, por është e vështirë. Të shohim me Dekon, me presidentin, por varet edhe nga “fair play” financiar”, ka pranuar Xavi.

Sa i përket luftës për titull dhe surprizës së madhe të quajtur Girona, Xavi ishte i qartë.

“E kam thënë tashmë se Girona është një rival i drejtpërdrejtë dhe mund të luftojë për titullin. Ne gjithashtu mund ta kthejmë tryezën, nuk mund të dështojmë. Po bëjmë shumë gabime dhe po e paguajmë. Ne duam ta përfundojmë raundin e parë të ndeshjeve në mënyrën më të mirë.”