Sport

Wolvesi mposhtë Arsenalin me përmbysje rezultati

Autori: Gazeta inFokus 21:00 | 02 February 2021

Skuadra e Wolvesit e ka mposhtur Arsenalin me përmbysje rezultati nga 0-1 në 2-1, në duelin e zhvilluar në kuadër të xhiros së 22-të në Premierligë, shkruan Gazeta inFokus.

Në takimin e luajtur në ‘Molineux Stadium’, Arsenali kaloi i pari në epërsi në minutën e 32’.

Golin për ‘topçinjtë’ e realizoi sulmuesit nga Bregu i Fildisht, Nicolas Pepe.

-Advertisement-

Mysafirët mbetën më një lojtar me pak në fushë, pasi mbrojtësi David Luiz në minutën e 45+3’, shkaktoi penallti dhe u përjashtua nga loja me karton të kuq.

Penaltinë e shkaktuar nga Luizi, në gol e shndërroi Ruben Neves, i shënoi në minutën e 45+5’ për shifrat 1-1.

Pjesa e parë përfundoi me rezultat të barabartë 1-1, kurse në 45 minutat e dytë Wolvesi e përmbysi rezultatin dhe arriti ta fitonte ndeshjen.

Për shifrat përfundimtare 2-1 realizoi mesfushori tjetër portugez, Joao Moutinho në minutën e 49’.

Kur po zhvillohej minuta e 72’, portieri i Arsenalit, Bernd Leno, u ndëshkua me karton të kuq dhe la ekipin e tij me 9 lojtarë në fushë.

Pas kësaj fitoreje Wolvesi renditet i 13-ti me 26 pikë, kurse Arsenali mbetet i 10-ti me 31 sosh./Gazeta inFokus/

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

sport