Auto&Tech

WhatsApp “ia merr në kthesë” Snapchat-it, lançon përditësimin e radhës

Autori: Gazeta inFokus 09:06 | 05 August 2021

WhatsApp bëri përditësimin e ri në aplikacion për të shtuar edhe më shumë privatësinë në biseda.

Njësoj si Snapchat e Instagram, tashmë ekziston opsioni “View Once” që lejon të dërgosh një foto apo video dhe duke aktivizuar këtë opsion, marrësi mund ta shohë vetëm një herë mesazhin e dërguar.

Më pas, mesazhi vetëshkatërrohet pasi hapet.

-Advertisement-

Ky opsion është i ndryshëm nga “Disappearing Messages” ku mesazhet vetëshkatërrohen pas shtatë ditësh, pasi është një hapësirë kohore e mjaftueshme për “Screenshot”.

Si ta përdorni opsionin e ri? Si fillim, përditësoni aplikacionin. Shkoni te biseda që do të dërgoni foton apo videon tuaj, klikoni numrin “1” në shiritin e bardhë që shfaqet poshtë fotos dhe dërgojeni. Kaq ishte!

Nëse opsioni i ri nuk shfaqet, mjafton të prisni disa ditë pasi WhatsApp po punon që të jetë i disponueshëm në të gjithë botën brenda kësaj jave.