VV e do të “unifikuar” opozitën për të shkuar në zgjedhje, PDK, LDK dhe AAK kanë dallime
![](https://gazetainfokus.com/wp-content/uploads/2024/05/Kuvendi-i-Kosoves-3-of-18-600x3601-1.jpg)
Autori: Gazeta inFokus
19:59 | 20 May 2024
Partia Demokratike e Kosovës u kërkoi të hënën partive politike parlamentare mbështetje për një mocion për shpërndarjen e parlamentit të Kosovës javën e ardhshme, si rrugë për të çuar vendin në zgjedhje të parakohshme.
“Ju e dini që të vetëm si grup parlamentar nuk e kemi atë fuqi në Kuvendin e Kosovës, e kemi thënë në vazhdimësi gjitha dëmet dhe pasojat që po i vuajmë sot si qytetarë të këtij vendi dhe si shtet për shkak të qeverisjes jashtëzakonisht të dobët dhe degraduese dhe është mirë që së bashku këtë dakordim apo këtë gjuhë të përbashkët që kemi pasur si opozitë ta finalizojmë me një seancë e cila do të mbahej javën e ardhshme”, tha shefi i grupit parlamentar i Partisë Demokratike të Kosovës, Abelard Tahiri.
Mocioni mund të ngritet me nënshkrimet e 40 deputetëve, ndërsa duhen 80 vota në parlamentin 120 vendesh. Nëse deputetët merren vesh për shpërndarjen e parlamentit atëherë presidentja duhet t’i shpallë zgjedhjet e parakohshme që duhet të mbahen më së largu 45 ditë pas shpalljes së tyre.
Partia Demokratike tha se shpërndarja e parlamentit para datës 30 maj do të mundësonte që zgjedhjet të mbahen në fund të muajit qershor apo në fillim të muajit korrik.
Nisma e Partisë Demokratike pasoi një takim javën e kaluar ndërmjet kryetarit të kësaj partie Memli Krasniqi dhe kryeministrit Albin Kurti, në të cilin është diskutuar edhe për zgjedhjet e reja.
Kryeministri i Kosovës, Albin Kurti, tha pas atij takimi se është i gatshëm të hap diskutimet me partitë opozitare në vend për të shpallur zgjedhjet e reja parlamentare.
Shefja e grupit parlamentar të lëvizjes Vetëvendosje në pushtet Mimoza Kusari Lila tha sot se subjekti i saj është i gatshëm të mbështesë shpërbërjen e parlamentit në rast se mbështetet nga të gjitha partitë opozitare.
“Megjithatë nuk mund ta bëjmë këtë vetëm me një grup parlamentar të opozitës. Opozita duhet të jetë e unifikuar në kërkesën e saj, në fund të fundit opozita është ajo që kërkon zgjedhje ose ndryshim të qeverisjes ndërsa konsiderojmë që kjo qeveri i ka plotësuar të gjitha kushtet për një mandat të plotë dhe të rregullt”, tha zonja Kusari Lila.
Mandati i qeverisë aktuale përfundon në fillim të vitit 2025.
Lidhja Demokratike e Kosovës në opozitë ka kërkuar dorëheqjen e kryeministrit Albin Kurti si kusht për shpërndarjen e parlamentit.
Aleanca për Ardhmërinë e Kosovës tha sot se shpërndarja e parlamentit në këtë fazë nënkupton një rrugëdalje për qeverinë e Albin Kurti.
“Njëfarë forme marrjen e fajit nga Kuvendi për dështimin e qeverisë. Pra shpërbërja duhet të vjen vetëm atëherë kur arrijmë ta shkarkojmë një qeveri të dëmshme, vetëm atëherë kur dorëhiqet dhe me një deklaratë apo me gojë që do të tërhiqet por jo në asnjë situatë që Kuvendi i Kosovës të marrë një përgjegjësi që nuk i takon”, tha shefi i grupit parlamentar i Aleancës për Ardhmërinë e Kosovës, Besnik Tahiri.
Por, dorëheqja, thonë vëzhguesit, nuk nënkupton me automatizëm zgjedhje të reja sepse pa një marrëveshje paraprake presidentja e vendit do të detyrohej t’i jepte një mundësi të re partisë në pushtet për formimin e një qeverie të re.
Sidoqoftë, zgjedhjet e reja tashmë janë bërë pjesë e diskutimeve dhe shumë analistë të pavarur pohojnë se ato do të mbahen në fillim të verës apo në vjeshtë, por para zgjedhjeve presidenciale në Shtetet e Bashkuara.
Partia Demokratike tha të hënën se dështimi për anëtarësimin e Kosovës në Këshillin e Evropës dhe përkeqësimi i marrëdhënieve me aleatët perëndimorë janë një argument shtesë për ta çuar vendin në zgjedhje të reja.
Kosova nuk u vu javën e kaluar në rend të ditës për anëtarësim në Këshillin e Evropës, pasi një pjesë e vendeve anëtare ritheksuan se kusht për përparimin e Kosovës është hedhja e hapave për themelimin e Asociacionit të komunave me shumicë serbe./VOA
![](https://gazetainfokus.com/wp-content/uploads/2024/06/SDG-Universum-Impact-Rankings-.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...