Komuna e Vushtrrisë ka arritur të shtrije rrjetin e menaxhimit të mbeturinave në të gjitha fshatrat e saj.

Grumbullimi i mbeturinave për 66 fshatrave bëhet një herë në javë dhe mbeturina merren shtëpi për shtëpi. Falë këtij menaxhimi është aeritur të largohet edhe rreth 200 deponi ilegale.

“Drejtori për Shërbime Publike në Komunën e Vushtrrisë, Shkelëzen Xhaferi, thotë se si Komunë kanë arritur që krijojnë një sistem të qëndrueshëm të menaxhimit të mbeturinave në të gjitha fshatrat.Kemi sistem të qëndrueshëm të menaxhimit të mbeturinave dhe shtrirë në tërë territorin e Vushtrrisë. Gjatë kohës së pandemisë kemi kuruar të gjitha kategoritë sociale, mirëpo inkasomi ka qenë në një nivel rekord, mbi 400 mijë euro në vitin 2020 dhe gjashtë mujorin e parë të vitit 2021”,thotë ai

Falë bashkëpunimi me donatorë, Xhaferi thotë se kanë siguruar kontejnerë për çdo shtëpi. Mbledhja e mbeturinave bëhet nga ndërmarrja “Uniteti” e cila ka në dispozicion 11 kamionë. Një ekip prej tre personave brenda ditës mbulon 400 deri në 450 shtëpi.

Ushtruesi i detyrës së kësaj ndërmarrjeje, Safet Ahmeti, thotë se janë të vetmit që bëjnë mbledhjen e miturinave shtëpi për shtëpi, ndërsa përmend edhe eliminimin e deponive ilegale.

“Një herë në javë shkojmë shtëpi për shtëpi i marrim mbeturinat me këtë staf që e kemi. […] Para 5 viteve të regjistruar kanë qenë afër 200 pika të zeza, kemi arritur me ardhë në 7 pika të zeza. I kemi eliminuar gradualisht, vetëm 7 na kanë mbet, besoj, shpresoj që me ndihmën e komunës qysh është biseduar shumë shpejt do të eliminohen”, thekson ai.

Mbeturinat çdo të hënë grumbullohen edhe në fshatin Zhilivodë, i cili është fshati më i thellë i kësaj.

Banori i këtij fshati, Nuradin Krasniqi, thotë se ky shërbim i komunës ka ndikuar që të pastrohet edhe fshati.

“Shumë jemi të kënaqur, është pastruar fshati, pastrohet oborri, pastrohet fshati, rrugët, më mirënuk ka[…] Ku e kemi gjuajtur, ku ka gjetur dikush një përrua qaty, fëmijët, ajo nuk ka qenë kurrfarë jete, tash është ndryshe, a po e sheh sa mirë. Me ardhë me ta marr këtu bërllokun, ton javën e mbledhim i qesin aty, mbushet kontejneri vjen e merr, ai e qon atje ku është vendi, a fshati mbetet i pastër”, thotë Krasniqi.

Komuna e Vushtrrisë gjatë vitit të kaluar ka miratuar edhe rregulloren për menaxhimin e mbeturinave në territorin e kësaj komune.

Afati i fundit për regjistrime në programin MSc. Data Science & Analytics në UNI – Universum International College – Powered…

Sponsoruar