Lajme

Vulin: Maqedonia të mos gabojë ta përkrahë Kosovën në UNESCO dhe Interpol

Autori: Gazeta inFokus 18:32 | 27 August 2017

Punë për autoritetet e Maqedonisë është se si do ta drejtojnë vendin e vet, por ato duhet ta dinë se për ne është me shumë rëndësi që Kosova të mos bëhet anëtare e UNESCO-s dhe e Interpolit, deklaroi sot ministri serb i Mbrojtjes Aleksandar Vulin.

“Edhe Maqedonia e çdo vend tjetër duhet ta dijë se për ne çështja e UNESCO-s dhe hyrja e Kosovës në Interpol është me rëndësi shumë të madhe dhe ne mendojmë se Kosova nuk mund dhe bën të jetë pjesë e atyre organizatave”, citojnë mediat serbre Vulinin, transmeton koha.net.

Vulin ka shtuar se të gjitha ato vende që e dinë këtë, kuptohet se “marrëdhëniet tona në masë të madhe do të bazohen në këtë”.

-Advertisement-

“Ne duhet t’i kemi para sysh interesat tona dhe që miqtë tanë duhet të sillen kështu”, ka thënë Vulin.

Ai mendon se autoriteteve e maqedonase u takon të udhëheqin politikën e vendit të vet, se Serbia askujt s’i vë pengesa që vetë dhe në mënyrë të pavarur të vendosin në vendin e vet, sepse Serbia nuk lejon që të tjerë të vendosin në emrin e saj.

“Kështu duhet të bëjnë edhe përfaqësuesit e pushteti në Maqedoni, por ato duhet ta dinë se për ne është shumë me rëndësi q Kosova të mos jetë anëtare e UNESCO-s dhe e Interpolit.

Subscribe në YouTube: GAZETA INFOKUSI