Lajme

Vuçiq: “Policët nga Kosova janë kapur brenda territorit të Serbisë, na kanë thënë se po kërkonin kërpudha dhe se nuk u ka funksionuar GPS-i”

Autori: Gazeta inFokus 13:41 | 15 June 2023

Presidenti i Serbisë, Aleksandar Vuçiq, ka thënë se situata në Kosovë është duke “vluar”.

“Personalisht nuk mundem më fizikisht, nuk mund të fle natën sepse ndryshe nga ju e di se çfarë po ndodh në veri të Kosovës. Është… Fjalë për fjalë gjithçka po vlon. Fëmijët duan të vdesin, gjë që ne duhet të parandalojmë. Ata janë ngopur me Kurtin, janë të ngopur me gjithçka. Askush nuk do t’i durojë më ata dhe terrorin e tyre, çfarë do të hanë, çfarë do të bëjmë me qumështin pasi kamionët nuk po kalojnë. Një situatë tmerrësisht e vështirë. Ne do ta mbrojmë vendin tonë”, tha Vuçiq.

“Kemi biseduar për të gjitha çështjet e rëndësishme, arrestimin e tre personave të armatosur deri në dhëmbë në territorin e Serbisë qendrore, kemi biseduar edhe për ndalimet e reja për hyrjen e mallrave serbe dhe të serbëve me targa nga Serbia, që është një precedent par excellance. Ne biseduam me përfaqësuesit e Quintit dhe BE-së se ne po i de-përshkallëzojmë marrëdhëniet e tilla politike dhe nëse do të kemi sukses në këtë nuk varet nga Serbia, sepse Serbia nuk ka bërë asgjë për të përshkallëzuar ato marrëdhënie”, tha Vuçiq.

-Advertisement-

Vuçiq, ka thënë se “vetë Albin Kurti ka pranuar se ka shkelur të drejtën ndërkombëtare duke deklaruar se tre shqiptarët e arrestuar ishin 300 metra nga kufiri administrativ me Serbinë, duke pasur parasysh se sipas marrëveshjes ushtarako-teknike duhet të raportojnë për afrimin në një kilometër afër kufirit”.

Vuçiq pyeti se çfarë po bënin tre të arrestuarit në territorin e Serbisë me armë të gjatë. Sipas tij, “të arrestuarit kanë thënë se po kërkonin kërpudha dhe se GPS-i nuk u funksiononte”.

Ai ka thënë se ka ofruar për inspektim pamjet e ushtarëve serbë dhe se ata nga kufiri administrativ në rrugë tokësore ishin 19.5 kilometra larg, ose 5.1 kilometra në vijë ajrore.

“Ne jemi të gatshëm t’i dorëzojmë të gjitha regjistrimet dhe të sjellim ekspertë për t’u bërë poligrafin ushtarëve tanë, do t’u bënim dy pyetje – a keni arrestuar dhe a i keni arrestuar në territorin e Serbisë qendrore apo atë të Kosovës”, tha Vuçiq.

Subscribe në YouTube: GAZETA INFOKUSI
Marsi sjell Magji në ETC
-Advertisement-

Të tjera

Fokusi

lajme