Vuçiq: Nuk dua të diskutoj për njohjen e Kosovës as anëtarësimin e saj në OKB
Autori: Gazeta inFokus 22:16 | 28 February 2023
Presidenti i Serbisë, Aleksandar Vuçiq, tha se Serbia është e gatshme të punojë në zbatimin e shumë gjërave nga plani evropian për normalizimin e marrëdhënieve ndërmjet Serbisë dhe Kosovës, por tha se “nuk dua dhe nuk mund të diskutoj për njohjen reciproke dhe hyrjen e Kosovës në Kombet e Bashkuara”.
Vuçiq ka deklaruar se një ditë më parë në Bruksel është rënë dakord që të ketë më shumë bisedime.
“Nuk është puna e një anëtari, një letre, një takimi. Dje është biseduar në Bruksel, ne ramë dakord, do të vazhdojmë, do të ketë më shumë bisedime. Asgjë më shumë se kaq”, tha Vuçiq për televizionin publik serb RTS.
Siç raporton REL, presidenti serb Aleksandar Vuçiq dhe kryeministri i Kosovës Albin Kurti u takuan më 27 shkurt në Bruksel dhe ranë dakord të vazhdojnë diskutimin për zbatimin e propozimit evropian për normalizimin e marrëdhënieve midis dy vendeve.
Presidenti i Serbisë konfirmoi se teksti i planit të publikuar nuk mund të negociohet më dhe se ai është bërë kornizë për procesin e negociatave ndërmjet Serbisë dhe Kosovës.
I pyetur për artikullin ku thuhet se Serbia nuk do ta bllokojë Kosovën në organizatat ndërkombëtare, Vuçiq u përgjigj: “Prandaj nuk e firmosa (planin)”, transmeton Telegrafi.
Vuçiq tha se do të diskutohet për zbatimin e planit dhe paralajmëroi ardhjen e Miroslav Lajçakut në Beograd dhe Prishtinë.
Ai saktësoi se është i gatshëm të negociojë zbatimin e pjesëve të planit si përfaqësimi rajonal, vulat doganore, qarkullimi i lirë i njerëzve, kapitalit dhe shërbimeve.
Në pyetjen e përsëritur nëse është koha për të zbatuar pjesën e planit që thotë se anëtarësimi i Kosovës në institucionet ndërkombëtare nuk do të bllokohet, Vuçiq tha se nuk do të marrë pjesë në zbatimin e “disa gjërave”.
Ai po ashtu ka konfirmuar se Asociacioni i komunave me shumicë serbe, si obligim nga Marrëveshja e Brukselit, nuk është në hartën e zbatimit.
Vuçiq tha gjithashtu se plani i BE-së erdhi si ide e presidentit francez Emmanuel Macron dhe kancelarit gjerman Olaf Scholz.
“Ata sollën një letër. Nuk kishte fare mundësi për negociata. Ata thanë ‘merre ose lëre’”, tha ai.
Vuçiq tha se kur drejtohet shteti duhet menduar për pasojat.
“Dhe ata më thanë qartë se refuzimi i planit do të thotë ndalim i integrimit në BE, përfundim i investimeve, ulje e nivelit të punësimit, tërheqje e investimeve. Dhe një sërë masash të tjera gjithëpërfshirëse, duke përfshirë se Serbia do të izolohet nga bota”, tha Vuçiq, transmeton Telegrafi.
Ai ka thënë se është e rëndësishme të flasim dhe të jemi në tryezën e bisedimeve.
“Ose do të qëndrojmë në bisedime ose do të pësojmë pasoja të rënda si në vitet e 90-ta”, tha Vuçiq.
I pyetur për deklaratën e Përfaqësuesit të Lartë të Bashkimit Evropian për Politikë të Jashtme dhe Siguri të Përbashkët, Josep Borrell, i cili më 27 shkurt deklaroi se “nuk ka nevojë për diskutime të mëtejshme” kur bëhet fjalë për përmbajtjen e vetë marrëveshjes, Vuçiq deklaroi se Borell nuk mundej që për planin të përdorte terminologjinë “përkrahur ose pranuar ose miratuar”.
“Sepse po flisja për konceptin dhe kornizën”.
Vuçiq tha gjithashtu se Serbia ka nevojë për normalizimin e marrëdhënieve me shqiptarët dhe se kjo duhet të diskutohet në Serbi.
Ndaj kritikave se ka tradhtuar interesat kombëtare, Vuçiq ka deklaruar se do të vazhdojë të punojë në interes të Serbisë gjatë mandatit të tij.
“Nëse njerëzit mendojnë të verifikojnë nëse gëzoj besimin e popullit, të dalin në referendum nëse mbledhin dy të tretat e shumicës, nuk është problem”, shtoi ai, duke iu përgjigjur kritikave nga partitë e djathta që kërkuan dorëheqjen e tij.
Vuçiq u tha gjithashtu të djathtëve se duan “të bëjnë luftë me fëmijët e të tjerëve”.
“Le të shkojmë në luftë dhe pastaj çfarë? Le të humbasim mijëra njerëz dhe të humbasim luftën ndaj NATO-s. Le t’i bindim shqiptarët të jetojnë në autonomi në Serbi? Të mos gënjejmë veten, kjo nuk do të ndryshojë kurrë. Le të përpiqemi të bëjmë kompromise racionale për për hir të jetës normale në rajon”, tha presidenti i Serbisë. /Telegrafi/
Të tjera
-
Miroslav Lajçak hyn në objektin e Qeverisë, do të takohet me Besnik Bislimin
Emisari i Posaçëm i Bsahkimit Evropian për dialogun Kosovë Serbi, Miroslav La...
-
Shefi i NATO-s në Uashington, Biden: Aleanca më e fortë e më e bashkuar se kurrë
Presidenti Biden priti të hënën në Shtëpinë e Bardhë shefin e NATO-s, më pak ...
-
Lajçak për median serbe “Kosovo Online” – Hapja e pakoordinuar e Urës së Ibrit mund të sjell incidente
Emisari sllovak, Miroslav Lajcak, ka thënë se hapja e pakoordinuar e Urës së ...
-
Kryeministri Kurti takohet me ministrin e Brendshëm të Izraelit
Kryeministri i Kosovës, Albin Kurti, ka pritur sot në takim ministrin e Brend...
-
AAK-ja premton mbi 1000 euro pagë mesatare në sektorin publik
Grupi për hartimin e Programit Zgjedhor të AAK-së 2025-2028 është mbledhur so...
-
ASK për 2023: Kosova me mbi 6 milionë vizitorë
Mbi 6 milionë është numri i vizitorëve për vitin 2023 në Kosovë sipas Agjenci...
-
50 vendet ku kosovarët mund të udhëtojnë pa viza
Kosova dhe Izraeli nënshkruan më 18 qershor një marrëveshje për heqjen recipr...
-
Doris Pack në inaugurimin e rrugës në Podujevë që do të bartë emrin e saj: Ndjej, vuaj e gëzohem bashkë me Kosovën
Ndihma e saj gjatë dhe pas luftës për Kosovën dhe popullin e saj, janë arsyej...
-
Komploti në Gjermani, fillon gjykimi ndaj grupit që do ta rrëmbente kancelarin Olaf Scholz
Tetë persona, anëtarë të ekstremit të djathtë në Gjermani, kanë dalë para gjy...
-
Gërvalla: Kosovarët pa viza në Izrael nga 19 shtatori
Shefja e diplomacisë kosovare, Donika Gërvalla-Schwarz, ka njoftuar për nënsh...
-
UNI-Universum International College rankohet me sukses në Times Higher Education Impact Rankings 2024
UNI-Universum International College është renditur në Times Higher Education ...
-
Nuk ka takim mes Osmanit dhe Lajçakut, kjo është arsyeja
Përfaqësuesi Special i BE-së, Miroslav Lajçak sot do të jetë në Kosovë, por n...