Lajme

Vuçiq deklarohet pas takimit me Listën Serbe

Autori: Gazeta inFokus 08:50 | 22 November 2022

Presidenti i Serbisë, Aleksandar Vuçiq, ka thënë se ka kërkuar nga përfaqësuesit politikë të serbëve nga Kosova që ta ruajnë paqen dhe stabilitetin.

Thirrja e Vuçiq erdhi pas takimit që kishte me përfaqësuesit serbë mëngjesin e sotëm.

Siç theksoi ai, ata kërkuan nga përfaqësuesit e serbëve të Kosovës “të jenë të kujdesshëm dhe të qetë për të ruajtur paqen dhe stabilitetin dhe t’i përgjigjen  arrogancës së të tjerëve ashtu siç përgjigjen gjithmonë njerëzit e denjë – që ne duam të mbrojmë tonat dhe asgjë më shumë.”

-Advertisement-

“Ne duam vetëm të mbrojmë tonat dhe asgjë më shumë. Kështu që jam i sigurt se si komb do të tregojmë pjekuri dhe do të ruajmë vatrat tona”, tha Vuçiq në një video të postuar në Instagram.

Kujtojmë se Kryeministri i Kosovës, Albin Kurti mbrëmë e ka pranuar kërkesën e Ambasadorit amerikan, Jeff Hovenier për ta shtyrë zbatimin e vendimit për gjobitjen e qytetarëve me targa ilegale.

Kurti ka njoftuar se bëhet djalë për një shtyerje 48 orëshe.

Ky vendim erdhi pasi Ambasada amerikane në Prishtinë ka kërkuar nga Qeveria e Kosovës ta shtyjë për 48 orë dhënien e gjobave për qytetarët që vozisin automjetet me targat që Serbia ilegalisht i lëshon për rajone të Kosovës.

SHBA ka thënë se kanë kërkuar këtë shtyerje për t’i lejuar BE-së dhe Shteteve të Bashkuara të angazhojnë më tej palët për të gjetur një zgjidhje.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme