Lajme

Vuçeviq: Policët e Kosovës në Leposaviq u zëvendësuan me ndihmën e KFOR-it

Autori: Gazeta inFokus 13:22 | 25 December 2022

Dje në orët e pasdites, policët që ishin stacionuar në veri të Kosovës që kur serbët vendosën barrikada nëpër rrugë, u zëvendësuan me të tjerë – hera e për më shumë se dy javë.

Ndaj kësaj ka reaguar ministri i Mbrojtjes i Serbisë, Millosh Vuçeviq, duke thënë se Policia e Kosovës ka hyrë mbrëmë në Leposaviq dhe me ndihmën e KFOR-it ka ndërruar personelin në stacionin policor të Leposaviqit.

Vuçeviq ka deklaruar se sot në mëngjes ka marrë informatën se “një pjesë e policisë speciale është transferuar nga baza e Ferizajt në Mitrovicë” dhe se bëhet fjalë për një grup prej 35 policësh.

-Advertisement-

“Në Leposaviq ka ndodhur një zëvendësim i pjesëtarëve të Policisë së Kosovës. Ekipi që më parë ishte nën kontrollin e Prishtinës është zëvendësuar me njerëz të rinj. Ka pasur një ndryshim të njerëzve dhe ata kanë ardhur me mbështetjen e transportuesve të KFOR-it. Kjo ishte konfirmuar edhe nga KFOR-i. Nuk është një fakt që është i këndshëm për ne, por duhet të jemi të vetëdijshëm për këtë”, tha Vuçeviq për televizionin serb “Prva”, transmeton Klankosova.tv.

Subscribe në YouTube: GAZETA INFOKUSI
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

lajme