Lajme

Vranësira të shpeshta dhe reshje shiu, njihuni me motin për këtë javë

Autori: Gazeta inFokus 23:42 | 15 May 2023

Edhe gjatë kësaj jave vendi ynë do të vazhdojë të mbetet nën ndikimin e kushteve të paqëndrueshme atmosferike, kjo si pasojë e zonave me presion të ulët atmosferik që kanë përfshirë jo vetëm vendin tonë por edhe pjesën më të madhe të kontinetit evropian, njofton Meteo Kosova.

Po ashtu, për shkak të masave të ftohta nga veriu i kontinentit, temperaturat do të mbesin dukshëm nën mesataren për këtë periudhë kohore.

Pra, gjatë kësaj jave moti do të karakterizohet me vranësira të shpeshta dhe intervale me diell, ku kohë pas kohe dhe lokalisht do të përcillen me reshje shiu, të cilat në momente të caktuara do të jenë në formë të rrebesheve, shoqëruar me shkarkesa elektrike dhe breshër, sidomos të Martën dhe të Mërkurën.

-Advertisement-

Nga dita e Premte e në fundjavë, reshjet parashihet të mbesin më të pakta dhe më të izoluara.

Era do të fryjë drejtimesh të ndryshme, e cila kohë pas kohe pritet të jetë mjaft e fuqishme, veçanërisht të Martën, me shpejtësi prej 18-70 km/h.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme