Lajme

Von Cramon tregon se si mund të votojnë shtetet mosnjohëse të Kosovës në Këshill të Evropës

Autori: Gazeta inFokus 15:00 | 04 January 2023

Zëvendësministri i Punëve të Jashtme, Kreshnik Ahmeti, dje ka deklaruar se Kosova ka siguruar votat e mjaftueshme në Këshill të Europës, duke thënë se Serbia e ka humbur betejën që e nisi qysh kur Kosova dorëzoi aplikimin për anëtarësim.

“Ne kemi lobuar në disa rrafshe, qoftë diplomatik, qoftë politik, që ta sigurojmë mbështetjen në vota dhe ajo është, pra e kemi siguruar këtë mbështetje. Është siguruar interpretimi e sqarimi ligjor që nuk ka asnjë pengesë dhe kjo është betejë e humbur për Serbinë”, ka thënë dje Ahmeti.

Policia: Viktima grua kishte lëndime

-Advertisement-

Për këtë çështje ka folur edhe eurodeputetja, Viola von Cramon, e cila tha se sipas asaj që ka dëgjuar, shtetet e BE-së që s’e njohin Kosovën me shumë gjasë nuk do të marrin pjesë në votim.

“Shumë prej tyre në Asamblenë Parlamentare të Këshillit të Evropës me shumë gjasa nuk do të marrin pjesë në votim ose në rastin më të keq do të votojnë kundër. Kjo është ajo që së paku kam dëgjuar”, ka thënë Cramon në një postim në Twitter të politologut boshnjak Jasmin Mujanoviq, i cili tha se është kureshtar për qëndrimin që do të ketë pesëshja e BE-së, si dhe Bosnja e Ukrainë për çështjen e Kosovës.

 

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme