Lajme

Von Cramon mirëpret shfuqizimin e vendimit për pezullimin e certifikatës së Klan Kosovës

Autori: Gazeta inFokus 21:58 | 21 June 2023

Raportuesja për Kosovën në Parlamentin Evropian, Viola von Cramon, e ka mirëpritur vendimin e Agjencisë së Regjistrimit të Bizneseve të Kosovës (ARBK) për anulimin e vendimit për pezullimin e certifikatës së biznesit të Klan Kosovës.

Në një postim në Twitter, ajo tha se vendimet “që kanë ndikim në liritë e mediave” duhet të shqyrtohen “me shumë kujdes”.

“Mirëpres vendimin e Ministrisë së Tregtisë dhe Industrisë për të anuluar vendimin për suspendimin e licencës së Klan Kosovës. Vendimet që kanë ndikim në liritë e mediave duhet të shqyrtohen me shumë kujdes, të merren në konsideratë praktikat më të mira”, deklaroi Von Cramon.

-Advertisement-

Kujtojmë se ARBK-ja njoftoi sot zyrtarisht se përfaqësuesi i autorizuar i Shoqërisë Tregtare Klan Kosova Sh.P.K. ka dorëzuar kërkesën për plotësim dokumentacioni dhe se me këtë rast ARBK-ja ka bërë shfuqizimin e vendimit të saj për suspendmin e certifikatës së biznesit.

Subscribe në YouTube: GAZETA INFOKUSI
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme