Lajme

Von Cramon: Dakordimi për planin evropian do të zhbllokojë perspektivën e anëtarësimit në BE

Autori: Gazeta inFokus 12:04 | 28 February 2023

Raportuesja e Parlamentit Evropian për Kosovën, Viola von Cramon, e ka mirëpritur pranimin e propozimit të planit evropian nga kryeministri Albin Kurti dhe presidenti serb, Aleksandar Vuçiq në Bruksel.

Në një shkrim në Twitter, Cramon ka thënë se tani duhet guxim, vullnet politik dhe lidership për të arritur marrëveshjen.

“E mirëpres ngrohtësisht pranimin e Propozimit – Marrëveshjes BE për rrugën e normalizimit ndërmjet Kosovës dhe Serbisë. Duhet guxim, vullnet politik dhe lidership për të arritur marrëveshje”.

-Advertisement-

Cramon tha se pret që dialogu të ketë përshpejtim dhe konstruktivitet duke theksuar se kjo do të zhbllokojë perspektivën e anëtarësimit në Bashkimin Evropian.

“Prandaj pres negociata konstruktive dhe nënshkrim të shpejtë të Udhërrëfyesit të Zbatimit, pasi ajo do të zhbllokojë me të vërtetë perspektivën e anëtarësimit në BE”, shkroi Cramon.

Subscribe në YouTube: GAZETA INFOKUSI
Black Friday ne Artmotion

Të tjera