Sport

Vokrri thotë se uroi Dukën edhe në gjuhën shqipe

Autori: Gazeta inFokus 17:44 | 15 February 2018

Armand Duka, ditë më parë është rizgjedhur përsëri president i Federatës Shqiptare të Futbollit, duke e fituar kështu mandatin e pestë në këtë organ te lartë të futbollit të Shqipërisë, shkruan infokusi.

Me këtë rast ai ka marrë shumë urime nga presidentë të federatave të futbollit nga shtet të ndryshme të botës. Duka për postin e ri ka marrë përgëzime edhe nga kryetari i Federatës së Futbollit të Kosovës, Fadil Vokrri.

Por një dokument që po qarkullon nëpër mediat sociale, thuhet se Vokrri e ka uruar Dukën vetëm në gjuhen angleze. Por e vërteta po del të jetë ndryshe.

-Advertisement-

Nga Federata e Futbollit të Kosovës është bërë e ditur se urimi i kryetarit të FFK-së, Fadil Vokrrit për zgjedhjen e Armand Dukës në krye të Federatës Shqiptare të Futbollit, nuk ka qenë vetëm gjuhën angleze, por edhe në shqip.

Është njoftuar se edhe ftesa nga FSHF-ja ka ardhur në gjuhën angleze. /INFOKUSI.COM