Lajme

Vjosa Osmani do të bëjë përurimin e ambasadës së Kosovës në Kolumbi, Gërvalla: Ndihem e nderuar

Autori: Gazeta inFokus 12:54 | 26 November 2024

Ministrja e Punëve të Jashtme, Donika Gërvalla, e ka quajtur rezultat historik hapjen e ambasadës së Kosovës në Kolumbi.

Poashtu ajo ka bërë të ditur se inaugurimin e saj do ta bëjë sonte presidentja e vendit, Vjosa Osmani.

“Ndihem e gëzuar dhe krenare të njoftoj që puna dhe përgatitjet tona intensive kanë çuar sot në një rezultat historik: në Bogota, Kolumbi, Republika e Kosovës po hap ambasadën e saj në një tjetër vend të rëndësishëm në Amerikën Jugore. Ndihem shumë e nderuar që Presidentja e Republikës së Kosovës, znj. Vjosa Osmani-Sadriu do të bëjë sonte inaugurimin e ambasadës”, ka shkruar Gërvalla në Facebook.

-Advertisement-

Tutje, ajo tha se hapja e ambasadës së Kosovës në Kolumbi “shënon një moment të rëndësishëm në strategjinë tonë për të zgjeruar praninë globale dhe për të forcuar subjektivitetin ndërkombëtar të Republikës së Kosovës”.

Subscribe në YouTube: GAZETA INFOKUSI