Lajme

Vjen reagimi nga Bashkimi Evropian pas zhvillimeve në veri të vendit

Autori: Gazeta inFokus 14:37 | 01 August 2022

Pas zhvillimeve në veri të Kosovës, Bashkimi Evropian ka bërë thirrje për qetësi nga të dyja palët. Brukseli po e konsideron veprim të pakoordinuar dh të një anshëm aksionin e qeverisë për reciprocitet.

“Të gjithë të përfshirët duhet të qëndrojnë të qetë dhe çdo veprim i pakoordinuar dhe i njëanshëm që rrezikon stabilitetin dhe sigurinë në terren dhe pengon lirinë e lëvizjes së të gjithë qytetarëve duhet të ndalet menjëherë”, thuhet në njoftimin e BE-së.

Sipas Brukselit, mënyra e vetme për të zgjidhur mosmarrëveshjet është dialogu dhe bisedimet, andaj konfirmoi që kanë ftuar të dy palët – Kosovën dhe Serbinë – të takohen në Bruksel “për të diskutuar rrugën përpara”.

-Advertisement-

“Pas pranimit nga Kosova të kërkesës së Joseph Borrell dhe SHBA-së për të shtyrë masat e planifikuara në lidhje me targat dhe kartat e identitetit, me kusht që të hiqen të gjitha barrierat, BE-ja ftoi të dyja palët të takohen në Bruksel për të diskutuar rrugën përpara”, njofton BE.

BE thotë se fokusi duhet të kthehet te normalizimi gjithëpërfshirës i marrëdhënieve ndërmjet Kosovës dhe Serbisë.

“Të gjitha çështjet e hapura duhet të adresohen përmes dialogut të ndërmjetësuar nga BE. Fokusi duhet të kthehet te normalizimi gjithëpërfshirës i marrëdhënieve ndërmjet Kosovës dhe Serbisë, i cili është thelbësor për rrugët e tyre përkatëse të integrimit evropian”, thuhet në njoftimin e BE-së.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme