Pas lajmit për Nikson Memaj, të shtunën në mëngjes, përveç futbollistit, Memaj, falë angazhimit dhe përkushtimit të skautit të Hajdukut të Splitit, Albin Sahatqija,  janë nisur në Split edhe 5 futbollistë të rinj, të cilët do t’i vazhdojnë stërvitjet dhe provat në klubin Kroat Hajduk Split, transmeton ORAinfo.

Bëhet fjalë për këta futbollist:

Qamil Tafarshiku, 17 vjeçar, mesfushor defanziv, kapiten i klubit të juniorëve të Vëllaznimit, i cili ka kaluar 2 herë provat në klubin kroat, Hajduk Split dhe tani është ftuar përsëri që t’i vijojë stërvitjet me klubin kroat!

Art Maloku, 16 vjeçar, u-16 rep, qendërmbrojtësi i ekipit te seniorëve dhe juniorëve të Vëllaznimit, i cili ka qenë verën e kaluar në provën e parë dhe e ka kaluar me sukses, tani është ftuar përsëri ti vijojë stërvitjet me klubin e Hajdukut të Splitit.

Përveç tyre, në provat e para në klubin kroat janë ftuar edhe këta futbollist:

Bleart Tolaj i lindur nga Deçan, 17 vjeçar, qendërsulmues, re u-16, i cili ka ardhur dimrin e kaluar në klubin futbollistik Vëllaznimi dhe i cili ne gjysmësezonin e kaluar në 14 ndeshje të zhvilluar për juniorët e Vëllaznimit, ka shënuar 17 gola dhe 5 asiste në 14 ndeshje të zhvilluara dhe ka qenë golashënuesi më i mirë i ekipit, ndërsa tani bënë pjesë në skuadrën e senioreve dhe juniorëve ku në 4 ndeshje ka shënuar 5 gola.

Albin Kapra nga Prizreni, 17 vjeçar i cili mbron ngjyrat e 2 korrikut , kapiteni i juniorëve, dhe rep u-17, mbrojtësi i majtë, tani në provën e parë të Hajduku i Splitit.

Art Rudi, 17 vjeçar, mesfushor i majtë dhe i djathtë, i ardhur ne sezonin veror nga KF Gjakova në KF Vëllaznimi dhe tani i ftuar në provat e para në klubin kroat, Hajduk Split.

Përveç provave të këtyre futbollistëve, gjatë vizitës në klubin Kroat, me ndërmjetësimin e mikut të klubit kroat, Albin Sahatqija, do të lidhet memorandum bashkëpunimi ndërmjet FC Vëllaznim i cili feston 90 vjetorin e klubit dhe Hajdukut të Splitit.

Qëllimi i bashkëpunimit është që më gjigantin kroat të shkëmbehen njohuritë ndërmjet 2 klubeve, bashkëpunimet në interes të përbashkët të dy klubeve, shkëmbimi i përvojave me trajner, lidhja miqësore ndërmjet dy klubeve , mundësia e zbulimit të talentëve të rinj, si dhe qëllimi që në një të ardhme të afërme të zhvillohen ndeshje miqësore ndërmjet dy klubeve.

TEB sjellë edhe kartelën prestigjioze VISA Infinite

Sponsoruar