Lajme

Vitia jep detaje për gjendjen shëndetësore të personave që u lënduan nga shpërthimi në Kçiq

Autori: Gazeta inFokus 14:50 | 24 January 2024

Ministri i Shëndetësisë, Arben Vitia, ka thënë se gjendja e 14 personave të cilët ishin lënduar nga shpërthimi i bombolës së gazit në Kçiq të Mitrovicës në përgjithësi është e mirë.

Vitia tha se nga 14 personat e lënduar, një vajzë 10-vjeçare ditën e nesërme të ngjarjes ka udhëtuar për Suedi, ndërsa një vajzë tjetër është pranuar për trajtim falas në një spital në Turqi me ndërmjetësimin e qeverisë.

“Nga këta, një vajzë 10-vjeçare ditën e nesërme ka udhëtuar për Suedi, për shkak se ka pasur djegie në diku rreth 65-70 për qind të sipërfaqes trupore dhe atë djegie të shkallës 2 dhe 3 dhe ka udhëtuar për Suedi dhe dje, Qeveria e Kosovës po ashtu, pas një pune që ka bërë MSh-ja me një nga spitalet më të mira për raste të tilla që kanë qendër të djegies në Turqi dhe kanë pranuar pacienten të shkojë pa asnjë kompensim”.

-Advertisement-

“Dhe pas miratimit të ndarjes së fondit prej 10 mijë e 500 euro nga qeveria, edhe një vajzë tjetër 13-vjeçare sot në orën 10 të mëngjesit është nisur për Turqi, ka mbërri dhe i dëshirojmë shërim të shpejt në Turqi”, tha Vitia.

Tutje, Vitia tha se të lënduarit e tjerë po vazhdojnë trajtimin në disa klinika, përfshirë atë intensive.

Subscribe në YouTube: GAZETA INFOKUSI