Lajme

Vitia: 550 mijë euro investime në Klinikën e Oftalmologjisë

Autori: Gazeta inFokus 15:17 | 08 December 2023

Ministria e Shëndetësisë ka filluar investimet në pajisje mjekësore moderne dhe rregullimin e infrastrukturës në Klinikën e Oftalmologjisë.

Arben Vitia, ministër i Shëndetësisë, ka shkruar në Facebook se shpejti do të arrijë aparatura bashkëkohore për ekzaminimin oftalmologjik për foshnjat e lindura para kohe, si dhe do të ketë rinovime e riorganizime në repartet e Klinikës A dhe B si pjesë e transformimeve nëpër klinika.

“Në vijim janë dy repartet e tjera C dhe D, së bashku me sallat operative dhe diagnostikën. Pajisjet e reja mjekësore dhe infrastruktura e përmirësuar mundësojnë saktësi dhe shpejtësi në diagnostikim, shërbime të reja, rritje të cilësisë së shërbimeve ekzistuese, dyfishim të shërbimeve, ekonomizim të shpenzimeve publike”, ka shkruar Vitia.

-Advertisement-

Sipas tij, vendosja në përdorim e pajisjeve të reja minimizon rastet e trajtimit jashtë spitaleve publike, ku kursimet afatmesme do të kapin shumën rreth 6 milionë euro.

Subscribe në YouTube: GAZETA INFOKUSI