Sport

Vinicius zbulon ku e sheh veten pas 5 vitesh: Reali do jetë më i fortë, Benzema doli nga hija e CR7

Autori: Gazeta inFokus 13:48 | 27 October 2022

Vinicius Junior është shndërruar në një nga lojtarët kryesorë për trajnerin Carlo Ancelotti në radhët e Real Madrid. Sulmuesi këtë sezon duket edhe më i maturuar e në 17 ndeshje deri më tani në të gjitha kompeticionet regjistron tetë gola dhe pesë asiste për fanellën e Los Blancos.

Së fundmi, braziliani shprehet se është mjaft i lidhur me skuadrën spanjolle ndërsa shton se e sheh veten pjesë të Real Madrid edhe pas pesë viteve. Ndër të tjera, 22-vjeçari thotë se Karim Benzema e ka gjetur veten pas largimit të Cristiano Ronaldos.

“Karim më mëson shumë çdo ditë dhe unë bëj maksimumin që ai të shënoj gola. Pas shumë kohësh në hijen e Ronaldos, tashmë ai është protagonisti kryesor. Ku e shoh veten pas pesë vitesh? Te Real Madrid.

-Advertisement-

Jam i sigurt se mund të luaj për shumë kohë me Realin, në fakt kështu mendoj edhe për të rinjtë e tjerë në skuadër si Camavinga, Rodrygo, Tchouameni, Valverde, Militao. Kemi nëj organikë të shkëlqyer që pas tre apo katër viteve do të jetë edhe më e fortë”, u shpreh Vinicius.

Subscribe në YouTube: GAZETA INFOKUSI