Rozë

Vila përrallore ku po riaftësohet Neymar

Autori: Gazeta inFokus 14:51 | 06 March 2018

Pas operacionit që kreu të shtunën në kavilje, sulmuesi brazilian Neymar Jr. ka nisur fazën e riaftësimit. Futbollisti i PSG do të qëndrojë jashtë fushave për të paktën 3 muaj dhe periudhën e riaftësimit do ta kryejë në Brazil.

Dhe “Zotëria 222 milionë” do të rehabilitohet në Mangaritiba, ‘Pallatin Mbretëror’ me vlerë 29 milionë dollarë, që ndodhet në Rio de Janeiro. Mangaritiba ka 6 suita dhe 6 vende parkimi për makina, një hapësirë për uljen e helikopterit, fusha tenisi, kuzhinë, një kantinë të madhe verërash, një qendër estetike me hidromasazh, banjo turke, sallë masazhi, një palestër moderne dhe një hapësirë për ankorimin e një jahti të madh.