Lajme

Video për Ivanoviqin, LVV: Qëndrimi i Kurtit nuk ka ndryshuar për të

Autori: Gazeta inFokus 17:17 | 17 January 2023

Zëdhënësi i Lëvizjes Vetëvendosje, Arlind Manxhuka, ka thënë se kryetari i kësaj partie dhe kryeministri i vendit, Albin Kurti, s’ka ndërruar qëndrim për sa i përket ish-politikanit serb, Oliver Ivanoviq.

Manxhuka tha se ajo çka Kurti ka bërë tash është kundërthënia e brendshme në Serbi, dhe siç thotë ai, vrasja potenciale e dikujt që sipas tij, praktikisht ka pasur shumë të tregojë për Serbinë, krimet në veri e bashkëpunimin me disa shqiptarë.

“Është interesante dhe po aq qesharake kur sheh disa mediume tek nxjerrin deklarime se si Albin Kurti ka thënë dikur se Oliver Ivanoviq është kriminel lufte duke e krahasuar me deklaratën e djeshme”, ka shkruar Manxhuka.

-Advertisement-

Tutje, ai tha se komunikata e VV-së ndaj dënimit të Ivanoviqit nuk është në kundërshtim me videon e djeshme të publikuar nga ana e qeverisë, por sipas tij, është avancim i asaj çka kjo parti ka deklaruar.

Kujtojmë se dje, kryeministri i vendit, Albin Kurti, me anë të një video në 5-vjetorin e vrasjes së politikanit serb, Oliver Ivanoviq, ka thënë se ai “ishte një person i përkushtuar për të luftuar për interesat e komunitetit dhe qytetit të tij. Ai e bëri këtë duke qenë i hapur, i sinqertë, gjithmonë i mprehtë në çështjet me rëndësi, por edhe i respektueshëm edhe ndaj atyre me të cilët nuk ishte dakord”.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme