Lajme

Vetura godet një këmbësor në Arllat, shoferi largohet nga vendi i ngjarjes

Autori: Gazeta inFokus 21:17 | 14 February 2023

Një aksident trafiku ka ndodhur më herët në Arllat, ku një veturë ka goditur një këmbësor.

Zëdhënësja e Policisë për rajonin e Prishtinës, Flora Ahmeti, ka deklaruar se viktima ka pësuar lëndime të rënda trupore, dhe se i njëjti është dërguar për tretman mjekësor.

Ahmeti ka theksuar gjithashtu se ngasësi i veturës është larguar nga vendi i ngjarjes.

-Advertisement-

“Rreth orës 18:40, kemi pranuar informatën se në kryqëzimin e rrugëve “Agim Qela” dhe “Hamëz Jashari”, në Arllat, ka ndodhur një aksident trafiku me lëndime.

Në këtë aksident kanë qenë të përfshirë një këmbësor dhe një automjet.

Si pasojë e aksidentit, lëndime të rënda trupore ka pësuar këmbësori dhe është dërguar për tretman mjekësor, ndërkohë që ngasësi i automjetit është larguar nga vendi i ngjarjes” deklaroi Ahmeti.

Ajo shtoi se zyrtarët nga njësiti i trafikut janë duke punuar në drejtim të identifikimit të ngasësit të automjetit dhe hetimit e rastit.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme