Aktivistja e Partisë Social Demokrate, Teutë Rrusta ka reaguar pasi sot me me 58 vota pro kur në sallën e Kuvendit ishte vetëm Lëvizja Vetëvendosje, Gëzim Tosuni nipi i zëvendëskryeministrit të Besnik Bislimit u vendos në pozitën e kryesuesit të Bordit të Drejtorëve në Operator Sistemin e Transmisionit dhe Tregut.

Rrusta në emisionin Gratë n’Fokus me Meme Smajli duke folur edhe për zhvillimet e fundit ka thënë se partia në pushtet është duke e institucionalizuar korrupsionin.

Sipas saj janë një varg punësimesh që po bëhen në mënyrë të organizuar përmes të cilave, Vetëvendosje po shtrin kontrollin në të gjitha institucionet.

“Janë një varg punësimesh janë shumë tash, në fillim ka qenë pak habi edhee nuk kam dasht as me e pasë këtë denoncimin antikorrupsion ne thelb të reagimeve tona për shkak se janë disa fronte dhe më është dukur se bile këtu kanë me qenë më të kujdesshëm. Por është interesant se për dallim prej pushtetevve të kaluara këta e kanë më të strukturuar dhe organizuar punësimin.

Ajo madje ka thënë se derisa në pushtetet e kaluara bëhej por nuk ishte organizim partiak politik, sot qeveria Kurti po e bën të kundërtën duke e shndërruar në strukturë organizative kapjen e institucioneve.

“Unë i mbaj në mend pushtetet e kalume kundër të cilave kam protesuar, aksione, protesta, demostrata, kemi buj në shesh kundër këtyre keqpërdorimeve kundër këtyre padrejtësive por disi  e mbaj në mend që ka qenë si sporadike. Korrupsioni ka qenë shumë i përhapur por secili për vete. Ndërsa këta (qeveria Kurti) janë duke e institucionalizu korrupsionin. Janë tu e mendu në strukturat e shtetit njerëzit e vet me i pasë. Krejt kjo vjen prej partisë se nuk mundet me ndodhë në formë kaq të organizume nëse nuk vjen prej partisë. Partia po e con këtë garniturën e vet që i duhet për kontrollë në institucione”, ka thënë ajo në Gratë n’Fokus.

Ndiqni videon:

Kujtojmë se Gazeta Infokus kishte raportuar qysh javën e kaluar se nipi tashmë i famshëm i Besnik Bislimt do të votohej që vihej në krye të bordit të drejtorëve në Kostt.

Derisa pushteti tashmë disa herë kishte provuar që Gëzim Tosunin ta vendoste në pozita të larta në institucione shtetërore.

Fillimisht ai ishte punësuar në Këshillin Shtetëror të Cilësisë, ku përveç punësim familjar pozita e tij ishte edhe konflikt interesi për shkak se mbante edhe një pozitë tjetër në MASHT.

Pas raportimit të Infokusit kishte reaguar edhe Agjencia për Parandalimn e Korrupsionit të cilët kishin kërkuar nga Tosuni të hiqte dorë nga njëra pozitë.

Më pas nipi i cili se kishtë parë dajën qe 50 vite, ia mësyu edhe garës për guvernator të Bankës Qendrore të Kosovës.

E së fundmi para se të vendosej në pozitën që mori sot pas votimit në Kuvend ai kishtë hyrë në garë edhe për anëtar në bodin e KEK-ut.

LEXO EDHE: Qeveria përzgjedh listën e ngushtë të kandidatëve për Bordin e KEK-ut, në mesin e tyre “nipi i famshëm” i Besnik Bislimit

EURO 2024 dhe Serie A, dy ekskluzivitetet absolute të Artmotion këtë vit

Sponsoruar