Lajme

Veseli: Veprimet e opozitës në mbledhjen e Kryesisë së Kuvendit, pjesë e fushatës zgjedhore

Autori: Gazeta inFokus 14:10 | 20 September 2017

Kreu i Kuvendit të Kosovës Kadri Veseli është deklaruar pas përplasjeve që pati me shefat e grupeve parlamentare të partive opozitare gjatë mbledhjes së Kryesisë së Kuvendit. Ai, lëshimin e mbledhjes nga Glauk Konjufca i Vetëvendosjes dhe ankesat e Avdullah Hotit të Lidhjes Demokratike të Kosovës, i ka quajtur veprime që janë pjesë e fushatës zgjedhore.

Përderisa Konjufca e Hoti u ankuan se Veseli u shkeli të drejtën e tyre duke mos thirrur një seancë të jashtëzakonshme, të cilën LDK e VV e kërkuan, Kreu i Kuvendit thotë se “është respektuar rregullorja e Kuvendit”.

Ai ka shtuar se kanë mirëkuptim për vazhdimin e seancës, por jo në mënyrë imponuese, ndonëse, sipas tij, këto veprime mund të sjellin përfitime për fushatën e zgjedhjeve lokale.

-Advertisement-

Veseli paralajmëroi se brenda ditësh do të thërrasë një mbledhje tjetër të Kryesisë së Kuvendit.

Subscribe në YouTube: GAZETA INFOKUSI