Sport

Veseli thotë se Kosova mund t’i japë shumë sportit ndërkombëtar me talentët e saj

Autori: Gazeta inFokus 14:08 | 11 December 2017

Kryetari i Kuvendit të Republikës së Kosovës, Kadri Veseli, ka thënë se Kosova mund t’i japë shumë sportit ndërkombëtar, teksa e priti në një takim presidentin e Asociacionit të Komiteteve Olimpike Kombëtare (AKOK), Sheikh Ahmad Al-Fahad Al-Sabah.

Në takim u diskutua për arritjet ndërkombëtare që sporti i Kosovës ka shënuar viteve të fundit, si dhe pranimin e shumë federatave vendore sportive nëpër federata të sportit ndërkombëtar, njofton Zyra për Informim e Kryeparlamentarit Veseli, transmeton Express.

Kreu i Kuvendit, Veseli, falënderoi presidentin Sheikh Ahmad Al-Fahad Al-Sabah për pranimin e Komitetit Olimpik të Kosovës në Komitetin Olimpik Ndërkombëtar dhe në Asociacionin e Komiteteve Olimpike Kombëtare, si dhe për mbështetjen e vazhdueshme në afirmimin e sportit të Kosovës.

-Advertisement-

Kryeparlamentari theksoi se Kosova ka shumë të rinj të talentuar në sporte të ndryshme, e të cilët çdo ditë e më shumë po tregojnë rezultate kulminante.

Veseli tha se sporti në Kosovë ka ende sfida, në veçanti në infrastrukturë. Megjithatë, ai theksoi përkushtimin e institucioneve për investime në këtë fushë, ndërtime e renovime të stadiumeve e palestrave sportive, si dhe kanë filluar procedurat edhe për ndërtimin e Stadiumit Nacional.

“Ne si Kuvend do ta mbështesim KOK-un dhe sportin e Kosovës. Me buxhetin për vitin 2018 ka rritje të investimeve. Me infrastrukturë ligjore kemi punuar mjaft, ne veçanti e theksoj Ligjin për Sponsorizime”, theksoi kryeparlementari Veseli.

“Mbështetja e Asociacionit të Komiteteve Olimpike Kombëtare për sportin e Kosovës do të vazhdojë, pasi që, siç tha ai, Kosova ka talentë të shumtë në sporte, të cilët mund t’i japin shumë sportit ndërkombëtar”, ka shtuar ai.

Presidentin e Asociacionit Ndërkombëtar të Komiteteve Olimpike Kombëtare, Sheikh Ahmad Al-Fahad Al-Sabah, shprehu kënaqësinë e tij për arritjet e sportit të Kosovës në arenën ndërkombëtare, ndërsa konfirmoi vazhdimin e mbështetjes edhe në të ardhmen.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

sport