Lajme

Veseli pyetet për zgjedhjet para Bajramit, jep një përgjigje “befasuese” (Video)

Autori: Gazeta inFokus 12:28 | 26 April 2017

Kryetari i Partisë Demokratike të Kosovës, Kadri Veseli nuk ka dashur të deklarohet rreth raportimeve të fundit për shkuarjen e vendit në zgjedhje të jashtëzakonshme.

Mirëpo, pyetjes së gazetarëve se a do të ketë zgjedhje të parakoshme, para Bajramit, i është përgjigjur duke folur krejtësisht për një çështje tjetër.

“Pa gratë s’mund të ecë Kosova përpara. Mbështetni gratë, çdo gjë bëhet mirë edhe zgjedhjet edhe gjitha”, ka thënë ai pas një konference të organizuar nga Minsitria e Bujqisisë, shkruan Indeksonline

Ndërsa një përgjigje “interesante” kishte një këshilltar i Veselit. “O ta honkt bajrami ty…”, shprehet ai teksa delegacioni i kryeparlamentarit largohej nga salla ku mbahej konferenca.

Ndryshe, në mediat është raportuar dje se kryetari i Kuvendit dhe i PDK-së, Kadri Veseli ka marrë vendim të prerë se nëse Demarkacioni nuk kalon në Kuvend, vendi do të shkojë në zgjedhje para festës së Bajramit.

“Nëse nuk ka vendimmarrje atëherë vendi do të shkojë në zgjedhje gjatë muajit Ramazanit dhe para Bajramit”, ka cituar fjalët e Veselit njëri nga pjesëmarrësit në mbledhjen e PDK-së në Drenas. /Indeksonline/

Etiketa:
Kush janë analistët e sigurisë së informacionit?

Të tjera

Fokusi

lajme